ഫിലാഡൽഫിയയിലെ സെന്റ് തോമസ് സീറോ മലബാർ പള്ളി തിരുനാൾ ​ഗംഭീരമായി കൊണ്ടാടി. അതിശൈത്യത്തെ അവ​ഗണിച്ച് മലയാളി തനിമ ഒട്ടും ചോരാതെ ആഘോഷം

ഫിലാഡൽഫിയ: ഫിലാഡൽഫിയയിലെ സെന്റ് തോമസ് സീറോ മലബാർ പള്ളി തിരുനാൾ ​ഗംഭീരമായി കൊണ്ടാടി. മൂന്ന് പുണ്യാളന്മാരുടെ തിരുനാൾ ആഘോഷം വലിയ ജനപങ്കാളിത്തത്തോടെയാണ് നടന്നത്.

അമേരിക്കയിലെ വടക്ക് കിഴക്കൻ സംസ്ഥാനങ്ങളിൽ രൂപം കൊണ്ട ആർടിക് ബ്ലാസ്റ്റ് പ്രതിഭാസത്തെ വരെ തരണം ചെയ്തായിരുന്നു തിരുനാൾ ആഘോഷമാക്കിയ്ത്. 

പ്രതികൂല സാഹചര്യങ്ങളെ അവ​ഗണിച്ച് എല്ലാവരും ഐക്യത്തോടെ പ്രവർത്തിച്ചതാണ് തിരുനാൾ പരിപാടി വിജയമായത്. 

വികാരി അച്ചൻ ജോർജ് ദാനവേലിന്റെ കാർമികത്വത്തിലാണ് ചടങ്ങുകൾ നടന്നത്. മുഖ്യട്രസ്റ്റി പോളച്ചൻ കെ വറീത്, ആനി ജയിംസ് ആനിത്തോട്ടം (സെന്റ് ചാവറ പ്രസിഡന്റ്), ടോം തോമസ് (സെന്റ് ന്യൂമാൻ പ്രസിഡന്റ്) എന്നിവരുടെ നേതൃത്തിലാണ് തിരുനാൾ പരിപാടികൾ സംഘടിപ്പിച്ചത്. 

അതിശൈത്യത്തെ അവ​ഗണിച്ച് മലയാളി തനിമ ഒട്ടും ചോരാതെ പ്രതക്ഷിണവും ചെണ്ടമേളവും ഒക്കെയായി ആഘോഷത്തിന്റെ മാറ്റുകൂട്ടി. പോളച്ചൻ ഉൾപ്പെടെയുള്ള ട്രസ്റ്റികൾ ഏറെ നാൾ മുമ്പ് തന്നെ തിരുനാൾ ഒരുക്കങ്ങൾ ആരംഭിച്ചിരുന്നു.  

അന്യ നാട്ടിലാണെങ്കിലും നാടിന്റെ തനിമ ഒട്ടും മായാതെ തന്നെ പരിപാടി സംഘടിപ്പിക്കാൻ ഭാരവാഹികൾക്കായി. യുവാക്കളുടെയും കുട്ടികളുടേയും വലിയ പങ്കാളിത്തം പരിപാടി ​ഗംഭീരമാക്കി. 

https://www.instagram.com/stories/syrophilly/3549055272788274548?utm_source=ig_story_item_share&igsh=bXg5MzJ1cXNjOWQw

പ്രതികൂല കാലവസ്ഥയായതിനാൽ അമേരിക്കൻ പ്രസിഡന്റ് ട്രംപിന്റെ സത്യപ്രതിജ്ഞ ചടങ്ങുകൾ വരെ മാറ്റി വെക്കേണ്ടി വന്ന സാഹചര്യം ഉണ്ടായിരുന്നു. എന്നാൽ അതിനേയും അതിജീവിച്ചായിരുന്നു തിരുനാളിന് ആളുകൾ എത്തിയത്. പ്രതികൂല സാഹചര്യത്തിലും പരിപാടി വിജയമാക്കിയതിൽ ഭാരവാഹികളുടെ പ്രയത്നം പ്രശംസനീയമാണ്.