New Update
Advertisment
മഹാമാരിയുടെ സമയത്തും സന്തോഷിക്കാനുള്ള വക നല്കുന്ന ഒത്തിരി വീഡിയോകളാണ് സോഷ്യല് മീഡിയയില് പ്രചരിക്കുന്നത്. പ്രത്യേകിച്ച് അരുമയായ വളര്ത്തുമൃഗങ്ങളുടെ ക്യൂട്ട് വീഡിയോകള് എല്ലാ ദുഃഖങ്ങളും മറന്ന് സന്തോഷിക്കാന് നമുക്ക് വകനല്കുമെന്ന കാര്യത്തില് സംശയമില്ല. ഇപ്പോള് നര്ത്തകിക്കൊപ്പം നൃത്തച്ചുവടുകള് വെയ്ക്കാന് ശ്രമിക്കുന്ന മിട്ടു എന്ന വളര്ത്തുനായയുടെ വീഡിയോ ആണ് സമൂഹ മാധ്യമങ്ങളില് വൈറലാകുന്നത്.
ആലപ്പുഴ ചേര്ത്തല തണ്ണീര്മുക്കം സ്വദേശിയായ ആര്ദ്ര പ്രസാദ് പതിവുപോലെ വീട്ടില് നൃത്തച്ചുവട് വെയ്ക്കുമ്ബോളാണ് വളര്ത്തുനായ് മിട്ടു ഒപ്പം കൂടിയത്. ചങ്ങലയില് ബന്ധിതനാണെങ്കിലും അതൊന്നും വകവെക്കാതെ നൃത്തത്തിനൊത്ത് ചുവടുവെക്കുകയാണ് വീഡിയോയില് മിട്ടു.
'ബാഹുബലി'യിലെ 'കണ്ണാ നീ ഉറങ്ങെടാ' എന്ന ഗാനത്തിനൊപ്പം ചുവടുവെയ്ക്കുന്ന ആര്ദ്രക്ക് പിന്നില് താളത്തിനൊത്ത് ചുവടുവെയ്ക്കാന് ശ്രമിക്കുന്ന മിട്ടു ആണ് വീഡിയോയിലുള്ളത്. ആര്ദ്രയുടെ സുഹൃത്തുക്കള് സമൂഹ മാധ്യമങ്ങളില് പോസ്റ്റ് ചെയ്ത വീഡിയോ നിരവധി പേരാണ് ഷെയര് ചെയ്തത്.