​ യു.കെയിലെ പുതിയ ധനമന്ത്രി നാരായണ മൂര്‍ത്തിയുടെ മരുമകന്‍ റിഷി സുനാക്

ന്യൂസ് ബ്യൂറോ, യു കെ
Thursday, February 13, 2020

ലണ്ടന്‍: ഇന്‍ഫോസിസ്​ സഹസ്ഥാപകന്‍ നാരായണ മൂര്‍ത്തിയുടെ മരുമകന്‍ റിഷി സുനാക്​ യു.കെയിലെ പുതിയ ധനമന്ത്രി. ബോറിസ്​ ജോണ്‍സണ്‍ നടത്തിയ മന്ത്രിസഭാ പുനഃസംഘടനയിലാണ്​ റിഷി സുനാക്​ ധനമന്ത്രി സ്ഥാനം നല്‍കിയത്​.

സാജിദ്​ ജാവിദ്​ ചാന്‍സിലര്‍ സ്ഥാനത്ത്​ നിന്ന്​ അപ്രതീക്ഷിതമായി രാജിവെച്ചതിന്​ പിന്നാലെയാണ്​ ബോറിസ്​ ജോണ്‍സണ്‍ മന്ത്രിസഭയില്‍ അഴിച്ചുപണിയുണ്ടായത്​. 2015ലാണ്​ സുനാക്​ ആദ്യമായി മന്ത്രിസഭയിലെത്തിയത്​. മുമ്പ് ​ ട്രഷറിയിലെ ചീഫ്​ സെക്രട്ടറി സ്ഥാനവും വഹിച്ചിട്ടുണ്ട്​.

വിന്‍ഷെസ്​റ്റര്‍ കോളജില്‍ നിന്ന്​ വിദ്യാഭ്യാസം പൂര്‍ത്തിയാക്കിയ സുനാക്​ ഓക്​സ്​ഫോര്‍ഡ്​ യൂനിവേഴ്​സിറ്റിയില്‍ നിന്ന്​ രാഷ്​ട്രീയം, തത്വശാസ്​ത്രം, സാമ്ബത്തിക എന്നിവയില്‍ ഉന്നത പഠനം നടത്തി. ​

×