ലോകത്തെ ഏറ്റവും വലിയ Ice and Snow ഫെസ്റ്റിവൽ ഇക്കൊല്ലം ജനുവരി 5 മുതൽ ചൈനയിലെ ഹെലോംഗ്യാംഗ് പ്രവിശ്യയിലുള്ള ഹാർബിനിൽ ആരംഭിക്കുകയാണ്.
ആറു ലക്ഷം സ്ക്വയർ മീറ്റർ വിസ്തൃതിയിൽ 2.20 ക്യൂബിക് മീറ്റർ ഐസുകൊണ്ട് 100 മീറ്റർ വരെ ഉയരമുള്ള ആകർഷകമായ നിരവധി നിർമ്മിതികളാണ് ഈ സ്നോ വേൾഡിൽ ഒരുക്കിയിരിക്കുന്നത്.
രണ്ടു മാസം നീളുന്ന ഫെസ്റ്റിവെലിനായി 14 രാജ്യങ്ങളിൽനിന്നുള്ള കലാകാരന്മാരാണ് നൂറിൽപ്പരം കലാരൂപങ്ങൾ ഐസിൽ നിർമ്മിച്ചിരിക്കുന്നത്.
ലോകത്തിന്റെ നാനാഭാഗത്തുനിന്നുമുള്ള സഞ്ചാരികൾ ഇവിടേക്കെത്തിക്കൊണ്ടിരിക്കുകയാണ്. അവർക്കായി അത്യാധുനിക സൗകര്യങ്ങളും സജീകരണങ്ങളുമാണ് ചൈന ഒരുക്കിയിരിക്കുന്നത്. ഹാർബിൻ നഗരത്തിലെ കാലാവസ്ഥ ഇപ്പോൾ മൈനസ് 20 ഡിഗ്രിവരെയാണ്.
1985 മുതലാണ് ഇവിടെ ഐസ് ആൻഡ് സ്നോ ഫെസ്റ്റിവലിന് തുടക്കമായത്.