ബി ആര്‍ ഷെട്ടിയും ബിനാമി ഷെട്ടിയും ? ഷെട്ടിയുടെ ശത്രുക്കളാര് ? ബിനാമികളാര് ? ഗള്‍ഫില്‍ ഇന്ത്യക്കാരുടെ മാനംകെടുത്തുന്ന ‘ഷെട്ടിപ്പുരാണങ്ങള്‍’ ഇങ്ങനെ !!

ദാസനും വിജയനും
Monday, May 11, 2020

ഷെട്ടി പിന്നെയും പിന്നെയും മലയാളികളെ പൊട്ടന്മാരാക്കുകയാണോ ?  ഷെട്ടി വീണ്ടും പ്രസ്താവനകളുമായി ജനങ്ങളെ തെറ്റിദ്ധരിപ്പിക്കുകയാണ് . അദ്ദേഹം ഇനിയെത്ര പ്രസ്താവനകൾ ഇറക്കിയാലും വിജയ് മല്യയുടെയും നീരവ് മോഡിയുടെയും സിംഹാസനത്തിന്റെ അടുത്തുതന്നെ ഷെട്ടിക്കും സിംഹാസനം ഒരുക്കിക്കൊണ്ടിരിക്കുമ്പോഴാണ് ദീനരോദനം .

അദ്ദേഹം ഇപ്പോഴും പറയുന്നു , ഈ മങ്ങാട്ടുകാരന്‍ ബ്രദേഴ്സ് പാലക്കാട് തുടങ്ങിയിരിക്കുന്ന  മൾട്ടി സ്പെഷ്യലിറ്റി ആശുപത്രിയെപ്പറ്റി തനിക്ക് അറിയില്ലെന്ന്  . അതിന്റെ ഉത്ഘാടന ചടങ്ങിൽ പങ്കെടുത്തതൊക്കെ കേരളത്തിലെ ഒന്നാം നിരക്കാരായിരുന്നു . ഒപ്പം ഷെട്ടിയും ഒരു മുഖ്യാതിഥി ആയിരുന്നു .

അപ്പോൾ പിന്നെ തന്റെ കീഴിൽ ശമ്പളം വാങ്ങിയിരുന്ന ഈ സഹോദരന്മാർ 200 കോടി ചിലവിൽ ഇത്രേം ബൃഹത്തായ ഒരു പ്രോജക്റ്റ് ആരംഭിക്കുമ്പോൾ ഇതൊന്നും മനസ്സിലാക്കാനുള്ള കഴിവുകൾ ഷെട്ടിക്കിലെന്ന് ഞങ്ങൾ വിശ്വസിക്കണോ ? അപ്പോൾ പിന്നെ ഈ ആശുപത്രി ആരുടേതായിരിക്കും? ഈ ഷെട്ടിയും  സഹോദരന്മാരും എല്ലാം ഒരേ തൂവൽ പക്ഷികൾ ആണോ .

ഷെട്ടിക്ക് അറിയാമായിരുന്നോ ഒരിക്കൽ മുങ്ങേണ്ടി വരുമെന്ന് . അതിന്റെ ആസൂത്രണമെന്നോണം ലോകമെമ്പാടും ഒട്ടനവധി നിക്ഷേപങ്ങൾ അദ്ദേഹം നടത്തിയിരുന്നോ .

ദുബായ് അക്കാദമിക്ക് സിറ്റിയിലെ പ്രശസ്തമായ ഒരു യൂണിവേഴ്സിറ്റി , തിരുവനന്തപുരത്തെ പ്രശസ്തമായ ഒരു ആശുപത്രി , ദുബായിലെ ഒരു കൺസ്ട്രക്ഷൻ കമ്പനി , ദുബായിലെ തന്നെ സ്റ്റാർ ഹോട്ടലുകൾ , കേരളത്തിലെ ഒരു ചാനൽ , കുടകിലെ ഏറ്റവും വലിയ കാപ്പിത്തോട്ടം ,
ലണ്ടനിലെ ഒരു മറ്റേർണിറ്റി ആശുപത്രി , കൊളോമ്പോയിലെയും ഗോവയിലെയും കാസിനോകൾ , മംഗ്ളൂരിലേയും ബെംഗളൂരിലെയും ഒട്ടനവധി പബുകൾ , പിന്നെ കേരളത്തിലെ കൊച്ചിയിൽ ഒരു ഐലൻഡ് … അങ്ങനെ നിരവധി സ്ഥാപനങ്ങളിൽ 50 വയസുള്ള ചെറുപ്പക്കാരിലൂടെയാണ് അദ്ദേഹത്തിന്റെ പണം നിക്ഷേപിച്ചിരിക്കുന്നത് .

ഇതിൽ മിക്കവാറും പേരും ഈ ബ്രദേഴ്സിന്‍റെ ആളുകൾ ആയിരുന്നു . അബുദാബിയിൽ നിന്നും അടിച്ചു മാറ്റിയ മുഴുവൻ തുകയും നിക്ഷേപമായി മാറിക്കഴിഞ്ഞു .

ഇനി പഴയ കുറച്ച് മലയാളി അബദ്ധങ്ങൾ പറയാം :

നമ്മുടെ നാട്ടിലെ ചില വിദ്വാന്മാർ ഗൾഫിലെത്തുകയും അവിടെ എങ്ങനെയൊക്കെയോ പണം സമ്പാദിക്കുകയും നാട്ടിൽ വലിയ വലിയ വീടുകൾ വെക്കുകയും അതുപോലെ മക്കളുടെ വിവാഹങ്ങൾ കെങ്കേമമായി നടത്തുകയും ചെയ്യുമ്പോള്‍ അതിനൊക്കെ സാക്ഷിയാകുവാൻ അവരുടെയൊക്കെ അറബി മുതലാളിമാരെ നാട്ടിലേക്കാനയിക്കും .

ഇതൊക്കെ കഴിഞ്ഞു ഈ പാവപ്പെട്ടവൻ തിരിച്ചു ചെല്ലുമ്പോൾ അറബി ആ പാവത്തിനെ പിടിച്ചു പുറത്താക്കിയിരിക്കും . അതുപോലെ നമ്മുടെ നാട്ടിലെ പ്രൈവറ്റ് ബസ് മുതലാളിമാർ ഇടക്കിടക്ക് കണ്ടക്ടർമാരുടെ വീടുകൾ സന്ദർശിക്കുമായിരുന്നു . വർഷങ്ങൾക്ക് മുൻപ് കൊടുങ്ങല്ലൂരിലെ ഒരു ബസ് മുതലാളി, കണ്ടക്ടറുടെ വീട് സന്ദർശിച്ചപ്പോൾ അവിടെ ഒരു ബ്രാൻഡ് ന്യു ഫ്രിഡ്ജ് കണ്ടതുകൊണ്ട് പിറ്റേ ദിവസം മുതൽ ജോലിയിൽ നിന്നും പിരിച്ചുവിടപ്പെട്ടു .

തന്റെ കീഴിൽ ജോലിചെയ്യുന്നവരുടെ ജീവിത രീതികൾ കണ്ടാലറിയാം അവരുടെ അടിച്ചുമാറ്റലുകൾ എത്രത്തോളം ഉണ്ടാകുമെന്നത് എന്ന് പല മുതലാളിമാരും പറഞ്ഞത് ഓർമ്മയിൽ വരുന്നു .

അതുപോലെ ഈ ചേട്ടൻ അനിയൻ ബ്രദേഴ്സിന്റെ ആളായിട്ടാണ് മറ്റൊരു പാലക്കാട്ടുകാരൻ മേനോൻ ഷെട്ടിയെ പൂട്ടാൻ അബുദാബിയിൽ വിമാനമിറങ്ങിയത് . ഈ ആയിരം കോടിയും മറ്റൊരു തട്ടിപ്പിന്റെ അക്കങ്ങളായിരുന്നു . എങ്ങനെ തല്ലിപ്പൊളിച്ചു സംവിധാനം ചെയ്താലും 300 – 400 കോടിക്ക് മേലെ വരില്ല എന്നാണ് യന്തിരൻ ഒന്നിന്റെ നിർമ്മാതാവ് പറഞ്ഞത് .

അപ്പോൾ രണ്ടാമൂഴത്തിലും വലിയ ഒരു തട്ടിപ്പ് ഇവര്‍ ഷെട്ടിക്ക് ഉദ്ദേശിച്ചിരുന്നു . അത് എങ്ങനെയാണ് എന്നത് വൻകിട നിക്ഷേപങ്ങളിലൂടെ ആയിരുന്നു . നിക്ഷേപിച്ചവർക്ക് കണക്കുകൾ കാണിക്കുമ്പോൾ ആയിരം കോടിയുടേത് കാണിക്കുകയും ബാക്കിയുള്ളത് പോക്കറ്റിൽ ഇടുകയും ചെയ്യുക എന്നതാണ് . കൂടാതെ ആ സിനിമ നടക്കുകയാണെങ്കിൽ ഷെട്ടി അബുദാബിയിൽ നിന്നും മുങ്ങേണ്ടി വരില്ലായിരുന്നു .

കാരണം ആയിരം കോടിയുടെ കണക്കിൽ ഒരു പതിനായിരം കോടിയെങ്കിലും ഇന്ത്യയിൽ നിന്നും അതുപോലെ ഗൾഫിലെയും അമേരിക്കയിലെയും ചില വേദനിക്കുന്ന കോടീശ്വരന്മാരിൽ നിന്നും ഒപ്പിച്ചെടുക്കുമായിരുന്നു . അതിലേക്കായി ആയിരം കോടി ക്ലബ്ബെന്ന ഒരു തട്ടുപൊളിപ്പൻ സംഘടനക്കും രൂപം കൊടുത്തിരുന്നു . കള്ളും പെണ്ണും ചൂതാട്ടവും മോഹങ്ങളായി നടക്കുന്ന പ്രാഞ്ചിയേട്ടന്മാരെ ആകർഷിക്കുന്നതിന്‍റെ ഭാഗമായിരുന്നു ആ ആയിരം കോടി ക്ലബ്ബ് . അതിൽ ചേർന്നവരൊക്കെ ഇപ്പോൾ തലക്ക് അടികിട്ടി ഇരിക്കുകയാണ് .

എന്തായാലും ഈ വിവാദ ബ്രദേഴ്സ് ഇപ്പോൾ എവിടെയുണ്ടെന്ന് ആർക്കും പിടിയില്ല . ചിലർ പറയുന്നു കാനഡയിലാണെന്ന് , ചിലർ പറയുന്നു നേപ്പാളിൽ ആശുപത്രി തുടങ്ങുവാൻ പോയിരിക്കുന്നുവെന്ന് , വീട്ടുകാർ പറയുന്നു ശീലങ്കയിൽ ആണെന്ന് . ശരിക്കും ഷെട്ടിയാണോ അവരെ മാറ്റി നിർത്തിയിരിക്കുന്നത് .

കാരണം അവരാണ് എല്ലാറ്റിന്റെയും സാക്ഷികൾ . അതുപോലെ ദുബായിലെ ഒട്ടുമിക്ക ഉന്നത ജോലിക്കാരെയും ബുദ്ധിപൂർവമായി നാടുകടത്തി . ഇപ്പോൾ വലിയൊരു ചതിയും ചെയ്തു . എല്ലാറ്റിനും സാക്ഷിയായ കണക്കപ്പിള്ളയെയും ആറു പേരെയും ഈ കോവിഡിന്റെ പേരിലുള്ള ” വന്ദേ ഭാരത് ” പ്രോജക്ടിന്റെ ആദ്യ വിമാനത്തിൽ ചട്ടങ്ങൾ മറികടന്ന് കയറ്റി വിട്ടു .

യുഎഇയിലെ ബാങ്കുകൾ വരെ ഞെട്ടിയിരിക്കുകയാണ് ഷെട്ടിയുടെ ഈ ഓപ്പറേഷൻ ഫിനാബ്ലറിൽ . ചിലപ്പോൾ ഈ വിമാനങ്ങൾ തന്നെ അനുവദിച്ചത് പ്രവാസികളെ രക്ഷിക്കുവാൻ ആയിരിക്കണമെന്നില്ല . ഇങ്ങനെയുള്ള കണക്കപ്പിള്ളമാരെയും അവരുടെ കുടുംബക്കാരെയും ബന്ധുക്കളെയും രക്ഷിക്കുവാൻ വേണ്ടിയായിരിക്കും എന്നാരെങ്കിലും സംശയിച്ചു പോയാലോ ?

മക്കളുടെയും ബന്ധുക്കളുടെയും പേരിൽ സ്വത്തുക്കൾ മാറ്റിയാൽ ഇന്റർപോളിന്‌ അതൊക്കെ മരവിപ്പിക്കുവാനാകും എന്ന ഉത്തമബോധ്യം ഷെട്ടിക്ക് ഉള്ളതുകൊണ്ടാണ് സമൂഹത്തിലെ വിവിധ തുറകളിൽ പെട്ട ചെറുപ്പക്കാരായ കച്ചവടക്കാരിൽ പണം നിക്ഷേപിച്ചത് . എന്നിട്ട് ഒരു പ്രശ്നം വരുമ്പോൾ അവരെയൊക്കെ തള്ളിപ്പറഞ്ഞാൽ മതിയല്ലോ .

ഇന്നിപ്പോൾ ഷെട്ടി ശ്രമിച്ചുകൊണ്ടിരിക്കുന്നത് ഒരു രാഷ്ട്രീയപാർട്ടിയുടെ പിന്തുണ ഉറപ്പിക്കൽ എന്ന തന്ത്രമാണ് . പക്ഷെ മല്ല്യയും നീരാവി മോഡിയും പോലത്തെ വൻ തോക്കുകൾ മുങ്ങിയതിൽ പാർട്ടിക്ക് ക്ഷീണം ഉള്ളതുകൊണ്ട് തത്ക്കാലം ഷെട്ടിയെ സംരക്ഷിക്കുവാൻ മുതിരരുത് എന്നാണ് പാർട്ടിക്കാർക്ക് കിട്ടിയിരിക്കുന്ന നിർദ്ദേശം .

അതുപോലെ സോഷ്യൽ മീഡിയയിൽ കാണുന്ന ആയിരക്കണക്കിന് വാർത്തകളിൽ ഡാനിയൽ വർഗീസ് എന്ന മനുഷ്യന്റെ ഇന്റർവ്യൂകൾ കാണുകയുണ്ടായി . സീസറിനുള്ളത് സീസറിന് എന്ന ആപ്തവാക്യമാണ് അദ്ദേഹത്തിന്റെ ആത്മവിശ്വാസമുള്ള വാക്കുകളിൽ നിഴലിക്കുന്നത് .
അദ്ദേഹം അത് തിരിച്ചു പിടിക്കുക തന്നെ ചെയ്യുമെന്ന് പറയുമ്പോൾ നമ്മുക്ക് ദൈവങ്ങളെ സ്തുതിക്കാതെ വയ്യ .

ആത്മാർത്ഥമായി ആരൊക്കെ എന്തെങ്കിലും ഒക്കെ തുടങ്ങിയാൽ അതിനെ ആരെങ്കിലും വിഴുങ്ങാൻ ശ്രമിച്ചാൽ എന്നെങ്കിലും നമ്മളുടെ കയ്യിലോ അല്ലെങ്കിൽ മക്കളുടെ കയ്യിലോ വന്നണയും എന്നതിന് നിരവധിയനവധി ഉദാഹരണങ്ങൾ ലോകം മുഴുവനും കാണാം .

ഇന്നിപ്പോൾ ഈ ലേഖനം ടൈപ്പ് ചെയ്തുണ്ടാക്കുന്ന ആപ്പിൾ കംപ്യുട്ടറിന്റെ കമ്പനിയിൽ നിന്നും ചവുട്ടിപ്പുറത്താക്കിയ സ്റ്റീവ് ജോബ്സ് പിന്നീട് അതേ കമ്പനി സ്വന്തമാക്കിയാണ് സ്വർഗം പ്രാപിച്ചത് . അപ്പോൾ ദൈവത്തിന് എല്ലാം അറിയാം . നമ്മൾ എത്ര ഉയരങ്ങളിൽ പോയി കളിച്ചാലും സമ്മാനം വാങ്ങുവാൻ താഴെ തന്നെ വന്നേ പറ്റൂ .

അതിപ്പോൾ ഷെട്ടിയായാലും ഷെട്ടിന്റെ മുത്തപ്പൻ ഷെട്ടിയായാലും ! ഒരു പ്രവാസി മണ്ണില്‍ വന്ന് ഒരിന്ത്യക്കാരന്‍ ഇക്കളികള്‍ കളിച്ചു മടങ്ങിയാല്‍ പിന്നെ മറ്റൊരു ഇന്ത്യക്കാരനെ ആ രാജ്യം വിശ്വസിക്കുമോ ? നന്നായി ജീവിക്കുന്നവരുടെ പോക്കറ്റില്‍ മണ്ണ് വാരിയിടുകയാണ് ഷെട്ടിയെപ്പോലുള്ളവര്‍ ചെയ്യുന്നത്.

ഇതിന് മുൻപെഴുതിയ ഷെട്ടി സ്പെഷ്യല്‍ ലേഖനത്തിന് കിട്ടിയ 217,000 ഷെയറുകൾക്ക് നന്ദികൾ പ്രകാശിപ്പിച്ചുകൊണ്ട് ,

ഷെട്ടിന്റെ ഓഫീസിൽ ഫയലുകൾ അടക്കിവെക്കുവാൻ ഭാഗ്യമുണ്ടായില്ലല്ലോ എന്നോർത്ത് ദാസനും
മങ്ങാട്ടുകാരന്‍ ബ്രദേഴ്സിന്റെ കാറുകൾ കഴുകിക്കൊണ്ട് വിജയനും

×