കമ്മ്യുണിസ്റ്റ് ചൈനയിലും ക്രിസ്റ്റ്യന്‍ ഇറ്റലിയിലും ഇസ്ലാം സൗദ്യയിലും ഷിയാ ഇറാനിലും ഒക്കെ ഈ വൈറസ് പടരുമ്പോള്‍ ആരായിരിക്കും ഇതിന് പിന്നിൽ ? ആരിലേക്കാണ് നാം വിരൽ ചൂണ്ടുക ? – ദാസനും വിജയനും

ദാസനും വിജയനും
Monday, March 16, 2020

കോവിന്ദിന്റേയും നാട്ടിലേക്ക് കോവിഡ് വിരുന്നു വരുമ്പോൾ കാര്യങ്ങൾ അത്ര എളുപ്പമാകണമെന്നില്ല ! ഇവിടെ ജനസംഖ്യ കൂടുതലായതുകൊണ്ടും കൂടുതൽ പേരും ഗോമൂത്രം പുണ്യാഹമായി കണക്കാക്കുന്നതുകൊണ്ടും ചാണകം പച്ചമരുന്നായി വാഴുന്നതുകൊണ്ടും എന്താണ് സംഭവിക്കുന്നത് എന്ന് പറയുവാൻ വയ്യ.

പത്തനംതിട്ട നഗരം ശ്മാശാന മൂകതയിൽ എത്തിക്കുവാൻ ഒരു അപ്പനും മകനും ആയെങ്കിൽ വത്തിക്കാനിലെ ഞായറാഴ്ച കുർബാന ഓൺലൈനിൽ ആക്കുവാൻ ഒരു കന്യാസ്ത്രീക്ക് ആയെങ്കിൽ പരിശുദ്ധ കഅബ ഷരീഫ് സ്ഥിതിചെയ്യുന്ന മക്ക അടച്ചിടുവാൻ ഒരു തീർത്ഥാടകക്ക് ആയെങ്കിൽ പാവങ്ങളുടെയും പണക്കാരന്റെയും അമ്മയായ അമൃതാനന്ദ മായീ ആശ്രമം പൂട്ടിക്കുവാൻ ഒരു വിദേശിക്ക് ആയെങ്കിൽ ഇവിടെ ദൈവം കളിക്കുകയാണ് . ചെകുത്താനും ദൈവവും തമ്മിലുള്ള അങ്കം വെട്ട് ആരംഭിച്ചിരിക്കുന്നു .

ഇന്ത്യയിൽ ഏതൊരു പുതിയ ഉത്പന്നവും ആദ്യം അവതരിപ്പിക്കുന്നത് കേരളത്തിലാണ് . കേരളത്തിലെ ജനതയുടെ അഭിപ്രായം കേട്ടതിന് ശേഷമേ മറ്റുള്ളയിടങ്ങളിൽ അവയെ ലോഞ്ച് ചെയുകയുള്ള . അത് വാഹനങ്ങൾ ആയാലും സോപ്പ് ആയാലും മരുന്ന് ആയാലും ആദ്യത്തെ പരീക്ഷണ കേന്ദ്രം .

H 1 N 1 ആയാലും ഡെങ്കി ആയാലും എലിപ്പനി ആയാലും നിപ്പയായാലും എല്ലാം കേരളത്തിലാണ് തുടക്കം കുറിച്ചത് . അതുപോലെ മറ്റൊരു പരീക്ഷണമായ പ്രളയവും ഈയിടെയായി പരീക്ഷിച്ചുകൊണ്ടിരിക്കുമ്പോൾ ഇവിടെ ജനങ്ങൾ സദാ ജാഗരൂകരായതുകൊണ്ട് ഭരണകൂടങ്ങൾക്ക് വലിയ തലവേദനയില്ലാതെ കാര്യങ്ങൾ നടന്നുപോകുന്നു .

ഭരിക്കുന്നവർക്ക് അക്കാര്യത്തിൽ കുറച്ചൊക്കെ ആശ്വസിക്കാം അതുപോലെ അഭിമാനിക്കാം . ഈയിടെ അടിക്കടി ഉണ്ടാകുന്ന പ്രളയവും അതുപോലെ അഗ്നിപർവത വിസ്ഫോടനങ്ങളും സുനാമികളും ഭൂകമ്പങ്ങളും എല്ലാം പ്രകൃതിയെ നാം ഉപദ്രവിക്കുമ്പോൾ കിട്ടുന്ന പകരം വീട്ടലുകളാണ് . ഭരണകൂടങ്ങൾ സാത്താൻ ആരാധകരുടെ കൈപ്പിടികളിൽ അമരുമ്പോൾ ദൈവങ്ങൾ അവർക്കായി വഴിമാറിക്കൊടുക്കുന്നു .

കേരളത്തിലെ ചാത്തന്മാരായലും ഫ്രീമേസൻമാരുടെ സാത്താന്മാരായലും ഇല്ല്യൂമിനേറ്റികളായാലും എല്ലാവരും വളരെ പണിപ്പെട്ടാണ് ഇന്ന് ലോകം കീഴടക്കികൊണ്ടിരിക്കുന്നത് .

ചൈനയിലെ വുഹാനിലെ വൈറസ് ഫാക്ടറിയിൽ നിന്നും ലീക്ക് ചെയ്തതാണ് ഈ വൈറസ് എന്നൊക്കെ ഇവർ പറയുന്നുണ്ടെങ്കിലും നേരിട്ടൊരു യുദ്ധം ചെയ്യുവാൻ പേടിയുള്ളവരും മുന്നിൽ നിന്നും കളിക്കുവാൻ ഇഷ്ടപ്പെടാത്തവരും ഒക്കെ ചേർന്നാണ് ഇപ്പോൾ ഇങ്ങനെയൊരു ചതി ചെയ്തതെന്ന് ആരെങ്കിലും പറഞ്ഞാൽ വിശ്വസിക്കാതെ നിർവാഹമില്ല .

ചില പ്രത്യേക രാജ്യങ്ങളിൽ ചില പ്രത്യേക സ്ഥലങ്ങളിൽ മാത്രം കേന്ദ്രീകരിച്ചുള്ള ഈ വൈറസ് വിസ്ഫോടനം ഇന്നിപ്പോൾ ലോകത്തിലെ മൂന്നിൽ രണ്ടു പേരെയും ബാധിക്കുമെന്നാണ്‌ പ്രവചനം .

‘കഴിഞ്ഞ നൂറ്റാണ്ടിൽ സ്പാനിഷ് ഫ്ലൂ പടർന്നുപിടിച്ചപ്പോൾ ജപ്പാനിലെ ഒരു കർഷകൻ തന്റെ ഡയറിയിൽ ഇങ്ങനെ കുറിച്ചുവത്രേ

Keishiro caught a cold and is coughing, so he went to visit the divine image of the Stop-Coughing Priest south of Kannonji village, to pray he would get over the cough.

ഈ കീഷിറോക്ക് പിന്നീട് എന്തു സംഭവിച്ചുവെന്ന് അറിയില്ല. പക്ഷേ സ്പാനിഷ് ഫ്ലൂ മാരകമായിരുന്നുവെന്ന് അറിയാം. ഏതാണ്ട് 50 മുതൽ 100 ദശലക്ഷത്തോളം ആളുകളെ കൊന്നൊടുക്കി. 1918 ലായിരുന്നു അത്. അതിനു മുമ്പും അതിനുശേഷവും പലതരത്തിലുള്ള വൈറസുകൾ പടർന്നു പിടിക്കുകയും മനുഷ്യരെ കൊന്നൊടുക്കുകയും ചെയ്തു.

അതിന്റെ വെളിച്ചത്തിലാണ് രണ്ടാഴ്ച മുമ്പ് ഹോങ്കോങ് സർവ്വകലാശാലയിലെ സീനിയർ എപ്പിഡമോളജിസ്റ് ഗബ്രിയേൽ ലിയൂങ്, കൊറോണ വൈറസ് സൃഷ്ടിക്കാൻ പോകുന്ന ഭീകരതയെക്കുറിച്ച് പ്രവചിച്ചത്.

രണ്ടരക്കോടി മനുഷ്യരെയെങ്കിലും കൊല്ലാൻ കെല്പുള്ള വൈറസാണിതെന്നും ലോകമാകെ മൂന്നിൽ രണ്ട് ജനവിഭാഗത്തേയും വൈറസ് ബാധിച്ചേക്കാം എന്നുമായിരുന്നു പ്രവചനം.

അന്നത് അത്ര ഗൗരവത്തിൽ നമ്മൾ കണ്ടില്ല. പക്ഷേ ഇപ്പോൾ സ്ഥിതി അതല്ല. അതുകൊണ്ട് കഴിയുന്നത്ര ജാഗ്രത പുലർത്തിയേ മതിയാവൂ.. ഒരു മുന്നറിയിപ്പും നിസ്സാരമായി കാണരുത്. പേടിയല്ല, കരുതലാണ് വേണ്ടത്. യുക്തിസഹമായി ചിന്തിക്കണം. അതിനു നമുക്ക് കഴിയട്ടെ.. കടപ്പാട് ”

ചൈനയിലും ഇറാനിലും ഇറ്റലിയിലും സൗദ്യയിലും കൊറിയയിലും ബ്രിട്ടനിലും ഇതിങ്ങനെ പറന്നു പടരുമ്പോൾ നാം ആരെയായാണ് സംശയിക്കുക . ചൈനക്കാർ പാമ്പിനെയും വവ്വാലിനെയും പഴുതാരയെയും തേരട്ടയെയും പുഴുക്കളേയും ഭക്ഷിക്കുവാൻ തുടങ്ങിയിട്ട് നൂറ്റാണ്ടുകളായി . ഇന്നോ ഇന്നലെയോ തുടങ്ങിയ ഭക്ഷണ രീതികളല്ല അവരുടേത് .

ഭക്ഷണം അടിസ്ഥാനമാക്കി അവരെ കുറ്റപ്പെടുത്തുവാൻ നിർവാഹമില്ല . അവരുടെ അടിച്ചമർത്തലുകൾക്ക് ദൈവശിക്ഷ എന്നൊക്കെ വേണമെങ്കിൽ പറയാം എന്നല്ലാതെ ഇക്കാര്യത്തിൽ ബാഹ്യ ഇടപെടലുകൾ ഉറപ്പ് . അമേരിക്കയുമായി ശീതയുദ്ധം തുടങ്ങിയിട്ട് നാളേറെയായി . സാമ്പത്തിക യുദ്ധം തുടങ്ങിയിട്ടും ഏറെ നാളുകളായി .

ഗ്ലാസ്സ്‌നോസ്ത് പെരിസ്ത്രോയിക്ക റഷ്യയിൽ വിജയം കണ്ടതിനു ശേഷം ടിയാനെൻ മെൻ സ്‌ക്വയറിൽ കയറി കളിച്ചെങ്കിലും ഒന്നും വിലപ്പോയില്ല.
അതിന്റെ പകരമായി ചൈനയാണ് സെപ്റ്റംബർ 11 ആക്രമണം ആസൂത്രണം ചെയ്തതെന്ന് കരുതുന്ന അമേരിക്കക്കാരുമുണ്ട് .

ചൈനയിലെ വുഹാനിലെ ഓരോ മുക്കും മൂലകളും മരുന്നടിച്ചുകൊണ്ടു വൃത്തിയാക്കുമ്പോഴും ശ്മാശാനങ്ങൾ 24 മണിക്കൂറും മരിച്ചവരെ അടക്കം ചെയ്തുകൊണ്ടിരിക്കുന്നു എന്നറിയുവാൻ കഴിഞ്ഞത് . മരണസംഖ്യ ഇപ്പറഞ്ഞതൊന്നുമല്ല അതിനേക്കാളൊക്കെ ഏറെ മുന്നിലാണ് എന്നാണ്  റിപ്പോർട്ടുകൾ .

ബെയ്ജിങ് നഗരം ഉറങ്ങി , ഷാങ്ങായ് എയർപോർട്ടിൽ മനുഷ്യകുഞ്ഞിനെ കാണ്മാനില്ല . റോമാ നഗരം ഉറങ്ങുമ്പോൾ കൊറിയയിലെ സാംസങ് കമ്പനി അടച്ചുപൂട്ടി . ആളുകൾ കൂടുന്ന ഇവന്റുകൾ നീട്ടിവെച്ചുകൊണ്ടിരിക്കുന്നു .

പള്ളികളിൽ പ്രാർത്ഥനകൾ ഒഴിവാക്കുന്നു . വിമാനങ്ങൾ ട്രിപ്പുകൾ നിർത്തിവെക്കുന്നു . ഹോട്ടലുകളിൽ താമസക്കാർ ഇല്ല . എന്തിനധികം കൊറോണ എന്ന പേരിലുള്ള ബിയർ കമ്പനിയുടെ നഷ്ടം 250 മില്യൺ ഡോളർ കവിഞ്ഞിരിക്കുന്നു !!!

ഒരു കാര്യം ഉറപ്പാണ് , ഒരു വെടിക്ക് രണ്ടോ മൂന്നോ പക്ഷികളെയാണ് അവർ പ്ലാൻ ചെയ്തിരിക്കുന്നത് . കമ്മ്യുണിസ്റ്റ് ആധിപത്യമുള്ള ചൈനയിലും ക്രിസ്തീയ ആധിപത്യമുള്ള ഇറ്റലിയിലെ റോമിലും ഇസ്ലാമിക തലസ്ഥാനമായ സൗദ്യയിലും ഷിയാ ഭൂരിപക്ഷമുള്ള ഇറാനിലും ഒക്കെ ഈ വൈറസിനെ കടത്തിവിടുമ്പോൾ ആരായിരിക്കും ഇതിന്റെ പിന്നിൽ ?

ഒപ്പം ഇന്ത്യയെന്ന ഒരു ജനാധിപത്യ രാജ്യത്തെ കശാപ്പുചെയ്യുവാൻ ഉണ്ടാക്കിയ നിയമങ്ങളും ഒക്കെ കൂട്ടി വായിക്കുമ്പോൾ ആരെയാണ് നാം കുറ്റപ്പെടുത്തുക ? ആരിലേക്കാണ് നാം വിരൽ ചൂണ്ടുക ?

ഇനിയെങ്കിലും ഉറങ്ങിക്കിടക്കുന്ന ദൈവങ്ങൾ കണ്ണുതുറക്കും എന്ന വിശ്വാസത്തിൽ

പത്തനംതിട്ടയിലെ ബസ്റ്റാന്റിൽ നിന്നും വായ്മൂടിക്കെട്ടി ദാസനും
ആറ്റുകാൽ പൊങ്കാലയ്ക്ക് പോകാതെ വീട്ടിലിരുന്നു വിജയനും

×