അതിദാരിദ്ര്യം മാറി ഭക്ഷണമൊക്കെ കുശാലായപ്പോള്‍ ബൂര്‍ഷ്വാകളായി മാറിയവര്‍ക്ക് എല്ലിനിടയില്‍ കുത്തി. പഴയ പരിപ്പുവടയും കട്ടന്‍ചായയും തന്നെ ധാരാളം. പെന്‍ഷന്‍ വാങ്ങി പുട്ടടിച്ചിട്ട് തെണ്ടിത്തരം കാണിച്ചു. അതീജീവിത ഗര്‍ഭം കലക്കിയെന്നും തുടങ്ങിയ ക്യാപ്സൂളുകള്‍ക്ക് വീര്യവും കുറഞ്ഞു. പരാജയത്തിന്‍റെ കാരണങ്ങള്‍ നിരത്തി കന്നാസും കടലാസും

അതിദാരിദ്ര്യ നിർമ്മാജനം ഞങ്ങൾ സ്വന്തം കീശയിൽ നിന്നും പണമെറിഞ്ഞു നടപ്പിലാക്കിയപ്പോൾ, അതിന്നായി സെലിബ്രിറ്റികൾക്കായി പണം വീശിയെറിഞ്ഞപ്പോൾ ദാരിദ്ര്യം മാറിയ ജനത ബൂർഷ്വാസികളാവുകയും കുത്തക മുതലാളിമാരുടെ പാത പിന്തുടർന്നുകൊണ്ട് കേരളത്തിൽ ഇടത് വികാരം ഉൾക്കൊള്ളുകയുമായിരുന്നു...

അവിടെ ഇടത്തിനെതിരെയുണ്ടായ വികാരപ്രകടനങ്ങൾ വോട്ടായി മാറുകയും നേരിയ ഒരു ക്ഷീണം സംഭവിക്കുകയും ചെയ്തു.. കൂടാതെ ബൂർഷ്വാസികളും പ്രതിക്രിയവാദികളും ഇങ്ങനെ ഒരു പണ്ടാരമടങ്ങിയ തിരഞ്ഞെടുപ്പിന് തക്കം പാർത്തിരിക്കുകയാണെന്നു ഞങ്ങളും കരുതിയില്ല. അങ്ങനെ ഞങ്ങൾ തോറ്റു - എംവി കോവിന്ദൻ

കേരളത്തിലെ കോൺഗ്രസ്സിലെ ''സ്ത്രീലമ്പടന്മാർ'' പിണറായിയിലെ ''ഊരിപ്പിടിച്ച വാളുകൾക്കിടയിലൂടെ'' ജനങ്ങളെ സേവിക്കുകയും, ജാമാഅത്ത് ഇസ്ലാമി പോലുള്ളവർ ഞങ്ങളെ തള്ളിപ്പറയുകയും, വെള്ളാപ്പള്ളി പോലുള്ള വിശുദ്ധന്മാരെ ''കുലം കുത്തിയായി '' ചിത്രീകരിക്കുകയും, പിഎം ശ്രീ പോലുള്ള നന്മയുള്ള പദ്ധതികളെ ''കടക്കൂ പുറത്ത് '' എന്ന് പറയുകയും, അയ്യപ്പന് വേണ്ടാത്ത സ്വർണ്ണം തത്ക്കാലം ഞങ്ങടെ സഖാക്കൾ കൂടുതൽ സുരക്ഷക്കായി ചെമ്പാക്കി മാറ്റുകയും ചെയ്തപ്പോൾ അതിൽ അഴിമതി ആരോപണം ഉന്നയിക്കുകയും, ക്യാപ്റ്റനായ എന്നെ കേവലം വെറും കപ്പിത്താൻ എന്ന് വിളിച്ചുപറഞ്ഞുകൊണ്ട് കളിയാക്കുകയും ചെയ്തപ്പോൾ ജനം തെറ്റിദ്ധരിച്ചുപോയി....

അതിന്റെ പേരിൽ ചിലയിടങ്ങളിൽ ജാഗ്രതക്കുറവുണ്ടായി. ഒപ്പം തോൽവികൾ ഏറ്റുവാങ്ങേണ്ടിയും വന്നു... പിണറായി പരാജയൻ

ആന്തൂരിലെ അളവുകോൽ നിർമ്മാണ ഫാക്ടറിയിൽ നിന്നും അളവുകോലുകൾ നിർമ്മിക്കുന്നതിനിടയിൽ അവിടത്തെ പ്രശസ്ത അളവുകോൽ വിദഗ്ധക്ക് എകെജി സെന്ററിൽ വെച്ചുണ്ടായ ബോംബേറിൽ ചെവിയുടെ കണ്ഠനാളം പൊട്ടിത്തെറിക്കുകയും ഷൊർണ്ണൂരിനും, കണ്ണൂരിനും, എറണാകുളത്തിനും ശേഷം പിന്നീട് കേരളത്തിൽ കേരളത്തിൽ നടന്ന പീഡനങ്ങളുടെ അളവുകൾ അളക്കുവാൻ സാധിക്കാതെ വരികയും ചെയ്തപ്പോൾ ജനം അത് മനസ്സിലാക്കി. 

കൂടാതെ ഗുരുവായൂർ മുൻ എംഎൽഎയുടെ അളവുകോൽ മുഖ്യമന്ത്രിയുടെ ഓഫീസിൽ വെച്ച് മറന്നതും ഈ തോൽവിക്ക് കാരണമായി - പി അളവ് ബാലൻ

ബിബിസിയും, സിഎൻഎൻ ഉം, യുഎന്നും, യുനെസ്കോയും ഇത്രയേറെ അവാർഡുകൾ വാരിക്കോരി തന്നിട്ടും പിന്നീട് അവരെ സേവിക്കുവാൻ വിളിച്ചിട്ടും പോകാതെ ഞാൻ കേരളത്തിലെ ജനങ്ങളുടെ കണ്ണിലുണ്ണിയായി, സീസറമ്മയായി മട്ടന്നൂരിലെ രാജ്ഞിയായി വാണുകൊണ്ടിരിക്കുമ്പോൾ പാലക്കാട്ടെ അഗ്രഹാരങ്ങളിൽ നിന്നും ഒരു കള്ള കാഫിർ എന്റെ മടയിൽ വന്നു വെല്ലുവിളിക്കുകയും ഞാൻ ആ വെല്ലുവിളി ഏറ്റെടുക്കുകയും ചെയ്തപ്പോൾ.., എന്റെ അണികൾ ഒന്നടങ്കം ചെമ്പട ചെമ്പട എന്ന് ഉടുമുണ്ട് മടക്കി കുത്തി വിളിച്ചപ്പോൾ...,

തലശ്ശേരിയിലെ മാളിയേക്കൽ തറവാട്ടുകാർ എനിക്ക് വേണ്ടി ചരമഗീതങ്ങൾ പാടിയപ്പോൾ ഞാൻ അറിയാതെ അതിൽ വീണുപോയി ... അങ്ങനെ റിസൾട് വന്നപ്പോൾ അവർ ജയിച്ചു - സീച്ചറമ്മ ശൈലജ്ജ

വസ്തുനിഷ്ഠമായി പറയുകയാണെങ്കിൽ അമേരിക്കയിലും ആമസോൺ കാടുകളിലും കാട്ടുതീ പടർന്നു അവിടത്തെ കരിങ്കുരങ്ങന്മാർ നിഷ്കരുണം നിർമ്മാജനം ചെയ്തു തുടങ്ങിയപ്പോൾ കേരളത്തിലെ പരിസ്ഥിതി പണ്ഡിതനും മരുമകനുമായ സംപൂജ്യ വ്യക്തിയുടെ ഇടപെടലുകളിൽ കുത്തക സാമ്രാജ്യമായ അമേരിക്ക അങ്ങോട്ട് നിരവധി അനവധി ഫയർ എൻജിനുകൾ അയക്കുകയും ആ ഫയർ എൻജിനുകൾ ഫിഡൽ കാസ്ട്രോയുടെ ക്യുബൻ തെരുവുകളിലൂടെയും, വെനിസ്വലയുടേ ടിയാനെൻ മെൻ സ്ക്വയറിലൂടെയും, വിയറ്റ്നാമിന്റെ ഗ്ലാസ്തനോസ്തും പെരിസ്ത്രോയിക്കയിലൂടെയും മുന്നോട്ട് നീങ്ങിയപ്പോൾ കേരളത്തിലെ സഖാക്കൾ ഒന്നടങ്കം അങ്ങോട്ട് ശ്രദ്ധ തിരിച്ചു. 

അവർ അവരറിയാതെ ചിഹ്നം മാറ്റിക്കുത്തി അവരുടെ പ്രതിഷേധം അമേരിക്കയെ അറിയിച്ചു. നമ്മൾ പരാജയം ഏറ്റുവാങ്ങേണ്ടി വന്നെങ്കിലും കൈരളി ചാനലിൽ എന്റെ സ്വന്തം സഹധർമ്മിണി വല്യേട്ടൻ സിനിമ പ്രദർശിപ്പിച്ചുകൊണ്ട് അവരുടെ വികാരം അമേരിക്കയെ അറിയിച്ചു - എംഎ ബേബിച്ചായൻ

ബദൽ രേഖയെന്ന ചതിയിൽ അച്ഛനെ പുറത്തു ചാടിക്കുകയും എന്റെ അച്ഛൻ വളർത്തിയിരുന്ന പാമ്പുകളെ കൂട്ടിയിട്ട് കത്തിക്കുകയും പതിയിരുന്ന് അച്ഛനെ ആക്രമിക്കുകയും അച്ഛന്റെ പേരിൽ കൂത്തുപറമ്പിൽ അഞ്ചോളം പേരെ കൊന്നൊടുക്കുകയും ചെയ്തവർ, എന്റെ സ്ഥാപനത്തിൽ വീണ വായിച്ചിരുന്ന സഹപ്രവർത്തകയെ തട്ടിയെടുത്ത് അവരെ ആറന്മുളയിൽ ആണിയടിക്കുകയും എന്നെ പരിഹസിക്കുന്ന വിധത്തിൽ അവരെ മന്ത്രിണിയാക്കുകയും ചെയ്തവരോടുള്ള പക വീട്ടുവാൻ കാട്ടുകള്ളന്മാരെ കൂട്ട് പിടിക്കുകയും ഇല്ലാത്ത വാർത്തകൾ പടച്ചുവിട്ട്, ഇല്ലാത്ത പെണ്ണുകേസുകൾ നെയ്തെടുത്ത് ഫ്ലാഷ് ന്യൂസുകൾ പടച്ചുവിട്ട് തൊണ്ടകീറി ബഹളം വെച്ചപ്പോൾ ബുദ്ധിയുള്ള വോട്ടർമാർ എന്റെ എതിരാളികളെ  ഇല്ലായ്മ ചെയ്തു. 

ഈ ഒരു നാളിനായി ഞാൻ അവരുടെ പാർട്ടിയിൽ നുഴഞ്ഞുകയറി, അവരെ ഉപദേശിച്ചു ഉപദേശിച്ചു കുളിപ്പിച്ച് കിടത്തി. അച്ഛനുവേണ്ടി ഇതിൽ കൂടുതൽ ഒരു മകന് പ്രായശ്ചിത്തം ചെയുവാനാകില്ല - നികേഷ് രാഘവൻ

എന്റെ മുൻഗാമികളായ വെളിയം ഭാർഗ്ഗവന്റെയും  സികെ ചന്ദ്രപ്പന്റെയും ആദർശ ചങ്കൂറ്റ രാഷ്ട്രീയം ഞങ്ങടെ പാർട്ടിക്കുള്ളിൽ അണികളിൽ അവമതിപ്പുണ്ടാക്കിയിരുന്നു. ഞങ്ങൾക്ക് ആവശ്യം കാനം രാജേന്ദ്രന്റെ നിലപാടുകൾ ആയിരുന്നു. 

പിണറായി സഖാവിനെ പോലെയുള്ള ഒരു മഹദ് വ്യക്തിക്ക് മുന്നിൽ ഓശാന പാടാനായി എന്നെ പോലെയുള്ള ഒരു സഖാവ് നിലകൊള്ളുമ്പോൾ, പിണറായി സഖാവ് ഞങ്ങൾ അറിയാതെ എന്തൊക്കെ പിഎം ശ്രീയും സ്ത്രീ വിഷയങ്ങളും കൈകാര്യം ചെയ്യുന്നു.

അക്കാര്യത്തിൽ ഞങ്ങളുടെ ഒരു എംഎൽഎ യും സ്ത്രീ വിഷയത്തിൽ സ്വന്തം തറവാട് വിറ്റു തുലച്ചതിൽ ഞങ്ങൾക്ക് അഭിമാനിക്കാം. ആ ഒരു എംഎൽഎ യെ കുറിച്ച് ഒരക്ഷരം മിണ്ടുവാൻ ഞങ്ങൾ ആരെയും അനുവദിക്കുകയില്ല. 

ഞങ്ങൾ എന്നും ശരിയോടൊപ്പം ശശിയോടൊപ്പം പിണറായിയോടൊപ്പം. ജനങ്ങൾ ഞങ്ങളെ തോൽപ്പിച്ചാൽ ജനങ്ങൾക്ക് നഷ്ടം - ഏറാൻമൂളി വിശ്വം ബിനോയ്

പണ്ടൊക്കെ ഞങ്ങളുടെ പരിപ്പുവടയും കട്ടൻ ചായയും തിന്നു നിങ്ങൾ ജീവിച്ചു, പിന്നെ പിന്നെ  ഞങ്ങൾ തന്ന ഉപ്പും ചോറും വെട്ടി വിഴുങ്ങി ഞങ്ങളെ നിങ്ങൾ രണ്ടാം വരവിന് കളമൊരുക്കി തന്നു. പലതും കിറ്റിലാക്കി നിങ്ങളുടെ അണ്ണാക്കിലേക്ക് എത്തിച്ചു തന്നു. 

അന്നൊക്കെ നിങ്ങൾ ഞങ്ങളോട് മര്യാദ കാണിച്ചിരുന്നു. ഇന്നിപ്പോൾ നിങ്ങൾക്ക് ആർത്തി മൂത്തിരിക്കുന്നു. കോവിഡ് സമയങ്ങളിൽ ഗ്രഹണിപിള്ളേർ ചക്ക കൂട്ടാൻ കണ്ടതുപോലെ നിങ്ങൾ ഞങ്ങളുടെ പിന്നാലെ കൂടി ....

ഓഖി സമയത്ത് ഞങ്ങടെ വീരശൂരപരാക്രമിയായ സഖാവിനെ പങ്കായം കാണിച്ചു ഓടിച്ചത് ഞങ്ങൾ മനസ്സിൽ വെക്കാതെ പ്രളയസമയത്ത് നിങ്ങൾക്കായി പിരിവെടുത്തുകൊണ്ട് ഞങ്ങൾ നിങ്ങൾക്ക് സഹായം നൽകി....

 ഇന്നിപ്പോൾ ഞങ്ങൾ തന്ന പെൻഷൻ വാങ്ങിയെടുത്തുകൊണ്ട് തെണ്ടിത്തരം കാണിച്ചിരിക്കുന്നു ... വിടില്ല ഞങ്ങൾ ! : ഊളപ്പറമ്പിൽ മണിയനാശാൻ

കാലം കാത്തുവെച്ച കാവ്യനീതി പോലെയായി  ഈ കൊച്ചുകേരളത്തിലെ ത്രിതല പഞ്ചായത്ത് തിരഞ്ഞെടുപ്പുകളുടെ റിസൾട്ടുകൾ. 

വളരെയധികം പാർട്ടി സാഹിത്യം കാണാപാഠം പഠിച്ചുകൊണ്ട് സഖാവ് പിണറായിക്കായി വാഴ്ത്തുപാട്ടുകൾ തയാറാക്കിയ എന്നെ തൃപ്പൂണിത്തുറ സീറ്റിൽ ആദ്യം തോൽപ്പിച്ചു ...

 അതിനെതിരെ കേസിനു പോയപ്പോൾ കേരളത്തിലെയും ഡൽഹിയിലെയും കോടതികൾ എന്നെ തോൽപ്പിച്ചു... സൈബർ അക്രമണക്കാരിൽ നിന്നും അകന്ന് വളരെ മനഃസമാധാനമായി വീട്ടിൽ ഇരുന്നു പുസ്തകങ്ങൾ വായിച്ചുകൊണ്ടിരുന്ന എന്നെ നിലമ്പൂരിൽ അറുക്കുവാൻ അയച്ചുകൊണ്ട് വീണ്ടും എന്നെ തോൽപ്പിച്ചു ....

മരുമകനെ അവരോധിക്കുവാനായി നിങ്ങൾ എല്ലാരും ചേർന്നെന്നെ തോൽപ്പിക്കാൻ കളിക്കുമ്പോൾ കേരളജനത നിങ്ങളെ തോൽപ്പിക്കുന്നത് കാണാതെ പോകരുത്, എല്ലാറ്റിനും ഒരതിരുണ്ട്  - ബുജി എം സ്വരാജ്

ഫുട്‍ബോൾ മാന്ത്രികൻ മുഹമ്മദാലിയുടെ മരണശേഷം മെസ്സി എന്ന ഭീകരൻ നമ്മളെ ചതിച്ചതായി അർജന്റീനയിൽ നിന്നും ഫോൺ കോൾ വന്നു. മെസ്സിയെ കാണുവാനും രണ്ടുവാക്ക് സംസാരിക്കുവാനും വേണ്ടി ഞാനും മരംമുറി ആന്റോയും കൂടി കൽക്കട്ടക്ക് വിമാനം കയറുവാൻ നോക്കിയപ്പോൾ ഇൻഡിഗോ അല്ലാതെ വേറെ വിമാനങ്ങളില്ല.

നേരെ ഹൈദരാബാദിലേക്ക് ടിക്കറ്റ് എടുക്കുവാൻ നോക്കിയപ്പോൾ എവിടേക്കും ഇൻഡിഗോ തന്നെ. കേരളത്തിൽ വരാതെ മെസ്സി ഇന്ത്യയിൽ വന്നതിന് മെസ്സിക്കുള്ളത് ആന്റോ വെച്ചിട്ടുണ്ട്. മെസ്സി അനുഭവിക്കും തീർച്ച, കൂടാതെ ഇടതിന് വോട്ടുചെയ്യാത്തവരും അനുഭവിക്കും -ചിറ്റപ്പൻ ജയരാജൻ

ഞങ്ങളുടെ ക്യാപ്സ്യൂൾ ഫാക്ടറി ഞങ്ങളുടെ  സഖാക്കൾ തന്നെ സമരം ചെയ്തുകൊണ്ട് അടച്ചു പൂട്ടിയപ്പോൾ, ലേശം ബാക്കിയുണ്ടായിരുന്ന ക്യാപ്സ്യൂളുകൾ എകെജി സെന്ററിലേക്ക് കൊടുത്തയക്കുവാൻ ശ്രമിച്ചപ്പോളും  സഖാക്കൾ തന്നെ അതിന് നോക്കുകൂലി ചോദിച്ചപ്പോളും  ഈ തിരഞ്ഞെടുപ്പിൽ ക്യാപ്സ്യൂൾ വിതരണം മുടങ്ങിയിരുന്നു.

സോഷ്യൽ മീഡിയയിലെ പോരാളി ഷാജിമാർക്കും പോരാളി ഷാജിമാരുടെ അച്ഛന്മാർക്കും അത്യാവശ്യ സമയത്ത് ക്യാപ്സ്യൂളുകൾ കിട്ടാതെ ബനീഷ് ഊളയേരിയെ സമീപിച്ചപ്പോൾ പുള്ളിക്കാരൻ ആകെയുണ്ടായിരുന്ന ക്യാപ്സ്യൂളുകൾ കൂട്ടിയിട്ട് കത്തിച്ചുകൊണ്ട് ആ പുകയിൽ ആത്മനിർവൃതി അടയുകയായിരുന്നു.

ആയതിനാൽ ''കാഫിർ'' ക്യാപ്സ്യൂളിന് ശേഷം ''അതിജീവിത'', ''ഗർഭം കലക്കി''  ക്യാപ്സ്യൂളുകൾ ഇറക്കുവാൻ ശ്രമിച്ചെങ്കിലും പാർട്ടിയിലെ ബുദ്ധിവെച്ച ചെറുപ്പക്കാരും ചെറുപ്പക്കാരും ഏറ്റെടുക്കാത്തതുകൊണ്ട് നമ്മുക്ക് തിരഞ്ഞെടുപ്പിൽ പരാജയം സമ്മതിക്കേണ്ടി വന്നിരിക്കുന്നു - ക്യാപ്സ്യൂൾ ശുംഭൻ

ദിലീപ് വിഷയം മാന്തി മാന്തി ഒരു തലത്തിൽ എത്തിച്ചതിൽ ഞങ്ങൾ അഭിമാനിക്കുന്നു !  മാങ്കൂട്ടത്തെ പതിനഞ്ചോളം നാളുകൾ റിസോർട്ടുകളിൽ താമസിപ്പിച്ചതിൽ ഞങ്ങൾ അഭിമാനിക്കുന്നു ! 

വൈപ്പിൻ എംഎൽഎയും അതിനടുത്ത കൊടുങ്ങല്ലൂർ എംഎൽഎയും നിരപരാധികളാണെന്ന് ഞങ്ങൾ വെല്ലുവിളിക്കുന്നു. കോൺഗ്രസ്സിൽ നേതൃ യുദ്ധമാണെന്ന് ഞങ്ങൾ ആണയിട്ട് പറയുന്നു !

പ്രതിപക്ഷ നേതാവിനെതിരെ സൈബർ അറ്റാക്കിങ് നടത്തിയതിൽ ഞങ്ങൾ അഭിമാനിക്കുന്നു ! ബാർക്കിങ് റേറ്റിംഗിൽ എസ്‌കെ എന്നും മകനും കുറ്റക്കാരെന്ന് ഞങ്ങൾ ഉറപ്പിക്കുന്നു !

മെസ്സിയുടെ കാര്യങ്ങൾ അവതാളത്തിലാക്കുമെന്ന് ഞങ്ങൾ തറപ്പിച്ചു പറയുന്നു ! കൊച്ചി സ്റ്റേഡിയം ഒരു പരുവമാക്കുമെന്നു ഞങ്ങൾ ഉറപ്പു തരുന്നു !

കായികമന്ത്രിയുടെ തലയിൽ മുണ്ടിട്ട് നടത്തുമെന്ന് ഞങ്ങൾ തീരുമാനിക്കുന്നു - റിപ്പോർട്ടർ ബ്രേക്കിങ്‌  മൊട്ടയും കൊള്ളക്കാരും

ഈ തിരഞ്ഞെടുപ്പിൽ നിങ്ങൾ ഞാൻ പറയുന്ന സ്ഥാനാർത്ഥിക്ക് വോട്ട് ചെയ്താൽ ഇഹലോകത്തിൽ മാത്രമല്ല പരലോകത്തിലും നിങ്ങൾക്ക് കൂലി കിട്ടുമെന്ന് ആണയിട്ട് അരുളി ചെയ്തിട്ടും നിങ്ങൾ പരലോകത്തിൽ വിശ്വസിക്കാതെ എന്റെ ആളിനെ തോൽപ്പിച്ചു കളഞ്ഞു. 

അതുകൂടാതെ എന്റെ മണ്ഡലത്തിലെ എല്ലാ പഞ്ചായത്തുകളിലും എന്റെ ആളുകളെ നിങ്ങൾ ഖിയാമത്ത് നാൾ കാണിച്ചുകൊടുത്തു. അള്ളാഹു സുബ്ഹാനഹു തഅല നിങ്ങളുടെ തല പൊട്ടിത്തെറിക്കാതെ കാത്തുസൂക്ഷിക്കട്ടെ !

 റോഡ്‌വക്കിൽ പത്രം വിരിച്ച് അസർ നിസ്കരിച്ചുകൊണ്ട് ഞാൻ ചെയ്യുന്ന ഈ ദുആ അള്ളാഹു സ്വീകരിക്കും. സ്വർണ്ണം കടത്തിയ ഖുർആൻ സത്യമിട്ടാണ് ഞാൻ ഇത് പറയുന്നത്. എനിക്ക് ഈ കഴിവ് തന്നിരിക്കുന്നതും എന്നെ ഡോക്ടർ ആക്കിയതും പടച്ചവനല്ല, എകെജി സെന്ററിൽ നിന്നുമാണ് ! നരകത്തിൽ എത്തുമ്പോൾ അനുഭവിക്കും എല്ലാരും - അൽപ്പൻ ജലീൽ

പിരായിരി എണ്ണിക്കഴിയുമ്പോൾ കേരളത്തിൽ ഇടതു തരംഗമെന്ന്  പിരിയായിരി സരിൻ. വിദ്യാഭ്യാസം കൂടിയതാണ് തോൽവിക്ക് കളമൊരുക്കിയത് എന്ന് ചെങ്കൽച്ചൂള ശിവൻകുട്ടി.

ജനങ്ങൾ വോട്ടു ചെയ്യാത്തതുകൊണ്ടാണ് തോൽക്കേണ്ടി വന്നതെന്ന് ഒടിയൻ ഗോപിനാഥൻ തല മൊട്ടയടിച്ചിട്ടും അവരെന്നെ കമ്മ്യുണിസ്റ്റാക്കാതെ മൂന്നാനാക്കി എന്ന് കറിവേപ്പില സുഭാഷ്.

വൊത്തർമാർക്ക് പൊതിച്ചോറ് കൊടുക്കാത്തതുകൊണ്ടാണ് അവർ തോൽപ്പിച്ചത് എന്ന് വള വള ജെയ്ക്ക് എന്തും ചെയ്യാൻ മടിക്കാത്ത പൊളിറ്റിക്കൽ പോയ്സനാണ്‌ തോൽവിക്ക് കാരണമായത് എന്ന് ലുട്ടാപ്പി റഹിം.
 
കെ എസ് ആർ ടിസി ബസ്സുകാരും ആറ്റുകാലമ്മയുമാണ് തോൽപ്പിച്ചതെന്ന് പ്രായം കുറഞ്ഞ അഴിമതി വീര ആര്യ.