രാജ്യത്തെ ഇരുചക്രവാഹന നിര്‍മ്മാതാക്കളില്‍ പ്രബലരായ ടിവിഎസിന്റെ ആദ്യ ഇലക്ട്രിക്
സ്കൂട്ടര് ഐക്യൂബ് ദില്ലി വിപണിയില്‍ അവതരിപ്പിച്ചു. 1.08 ലക്ഷം രൂപയാണ് ഇതിന്റെ ദില്ലി
എക്‌സ്‌ഷോറും വിലയെന്ന് റഷ് ലൈന്‍ റിപ്പോര്‍ട്ട് ചെയ്യുന്നു. 2020 ജനുവരിയില്‍
ബംഗളൂരുവിലായിരുന്നു വാഹനത്തിന്‍റെ ആദ്യാവതരണം.
/sathyam/media/post_attachments/KgjHq7DvbGWyY56zeneu.jpg "publive-image")
ഇലക്ട്രിക് വാഹനങ്ങളെ പ്രോത്സാഹിപ്പിക്കുന്നതിനായി ദില്ലി സര്‍ക്കാരിന്റെ ഇലക്ട്രിക് വാഹന നയം പ്രഖ്യാപിച്ചതിന് പിന്നാലെയാണ് ഐക്യൂബിന്‍റെ വിപണിപ്രവേശനം. ആദ്യ ഘട്ടത്തില്‍ തിരഞ്ഞെടുത്ത ഡീലര്‍ഷിപ്പുകളില്‍ മാത്രമാണ് ഇത് വില്‍പ്പനയ്‌ക്കെത്തുക എന്നാണ് റിപ്പോര്‍ട്ടുകള്‍.
പുതുതലമുറ സ്കൂട്ടര് എന്ന വിശേഷിപ്പിക്കാവുന്ന ഫീച്ചറുകളുമായാണ് ടി.വി.എസ് ഐക്യൂബ് നിരത്തുകളില്‍ എത്തിച്ചിരിക്കുന്നത്. 4.4 കിലോവാട്ട് ബാറ്ററിയാണ് ഈ വാഹനത്തിന്‍റെ ഹൃദയം. മണിക്കൂറില്‍ 78കിലോമീറ്ററാണ് സ്‌കൂട്ടറിന്റെ പരമാവധി വേഗം. പൂജ്യത്തില്‍ നിന്നും 40 കിലോമീറ്റര്‍ വേഗതകൈവരിക്കാന്‍ 4.2 സെക്കന്‍ഡുകള്‍ മാത്രം മതി.
എക്കണോമി, പവര്‍ എന്നീ രണ്ട് ഡ്രൈവിങ്ങ് മോഡുകളാണ് ഈ സ്കൂട്ടര് നല്‍കുന്നത്. റീജറേറ്റീവ് ബ്രേക്കിങ്ങ്, നോണ്‍ റിമൂവബിള്‍ ബാറ്ററി എന്നിവ ഈ സ്‌കൂട്ടറിന്റെ പ്രത്യേകതയാണ്. സ്‌കൂട്ടറിനൊപ്പം ഹോം ചാര്‍ജിങ് സംവിധാനവും കമ്പനി
വാഗ്ദാനം ചെയ്യുന്നുണ്ട്. ഇക്കോ മോഡില്‍ 75 കിലോമീറ്ററും, സ്‌പോര്‍ട്ട് മോഡല്‍ 55
കിലോമീറ്ററുമാണ് റേഞ്ച് നല്‍കുന്നത്. അഞ്ച് മണിക്കൂറില്‍ ബാറ്ററി പൂര്‍ണമായും ചാര്‍ജ് ചെയ്യാം.
നിരവധി ഫീച്ചറുകള്‍ ഈ ഇലക്ട്രിക്ക് സ്‌കൂട്ടറില്‍ ലഭ്യമാണ്. കണക്ട് ടെക്‌നോളജി സ്‌കൂട്ടറിന്റെ
മറ്റൊരു സവിശേഷതയാണ്. എല്‍ഇഡി ഹെഡ്‌ലാമ്പുകള്‍, പൂര്‍ണ ഡിജിറ്റല്‍ ഇന്‍സ്ട്രുമെന്റ് ക്ലസ്റ്റര്‍, എല്‍ഇഡി ടെയില്‍ ലാമ്പുകള്‍, തിളങ്ങുന്ന ലോഗോ എന്നിവയൊക്കെയാണ് സ്‌കൂട്ടറിലെ സവിശേതകള്‍.
വെള്ള നിറത്തില്‍ മാത്രമേ നിലവില്‍ സ്കൂട്ടര് വിപണിയില്‍ ലഭ്യമാവുകയുള്ളു. വലിയ
അലങ്കാരപ്പണികള്‍ ഒന്നും ഇല്ലാത്ത ഡിസൈനാണ് ഇലക്ട്രിക്ക് സ്‌കൂട്ടറിന്. കണക്ട് ടെക്‌നോളജി വഴി
റൈഡര്‍ക്ക് റിമോര്‍ട്ട് ചാര്‍ജിങ് സ്റ്റാറ്റസ്, ജിയോ ഫെന്‍സിംഗ്, അവസാനം പാര്‍ക്ക് ചെയ്ത
ലൊക്കേഷന്‍, നാവിഗേഷന്‍ അസിസ്റ്റ്, ഇന്‍കമിംഗ് കോള്‍, മെസേജുകള്‍ എന്നിങ്ങനെ നിരവധി
കാര്യങ്ങള്‍ അറിയാം. ടിവിഎസിന്റെ എക്‌സോണെറ്റ് ടിഎഫ്ടി ക്ലെസ്റ്ററാണ് ഐ ക്യൂബില്‍
നല്‍കിയിരിക്കുന്നത്. ഇതില്‍ പാര്‍ക്കിങ് അസിസ്റ്റന്‍സ്, ബാറ്ററി ചാര്‍ജ് സ്റ്റാറ്റസ്, സ്മാര്‍ട്ട്
റൈഡ് സ്റ്റാറ്റിസ്റ്റിക്‌സ്, ജിയോ ഫെന്‍സിങ് തുടങ്ങിയ സംവിധാനങ്ങളാണ് ഒരുക്കിയിട്ടുള്ളത്.
സ്മാര്‍ട്ട് ലുക്കാണ് ഐ ക്യൂബിന്റെ മറ്റൊരു ഹൈലൈറ്റ്. എല്‍ഇഡി ഹെഡ്‌ലൈറ്റും ടെയ്ല്‍ലൈറ്റും, യു ആകൃതിയിലുള്ള ഡിആര്‍എല്‍, മോട്ടോറിന്റെ ഭാഗത്തായി നല്‍കിയിട്ടുള്ള തിളക്കമുള്ള ലോഗോ എന്നി കാഴ്ചയില്‍ മികവ് നല്‍കുന്നു. 12 ഇഞ്ചാണ് ടയര്‍. മുന്നില്‍ ഡിസ്‌കും ബ്രേക്കും നല്‍കുന്നുണ്ട്.
Follow Us/sathyam/media/agency_attachments/5VspLzgrB7PML1PH6Ix6.png)
