30
Friday September 2022

പലതും കണ്ടിട്ടും കണ്ടില്ലെന്നു നടിക്കുന്ന പ്രതിപക്ഷ നീക്കം – രണ്ടാമതും പിണറായി കേരളം ഭരിക്കുന്നത് കൈരളി ചാനലിലൂടെ ‘അറിയേണ്ട അവസ്ഥ കോൺഗ്രസുകാർക്ക് ഉണ്ടാകുമോ ? തലയിൽ മുണ്ടിടാതെ നടക്കാവുന്ന അവസ്ഥ കോൺഗ്രസുകാരന് ഉണ്ടാകണമെങ്കിൽ … ?

പിന്നാമ്പുറങ്ങള്‍ / എ കെ സത്താര്‍
Sunday, July 5, 2020

മലയാള രാഷ്ട്രീയത്തിലെ സിനിമകളും മലയാള സിനിമയുടെ രാഷ്ട്രീയവും വീണ്ടും തലപൊക്കി എഴുന്നേൽക്കുകയാണ് . പഞ്ചായത്ത് തിരഞ്ഞെടുപ്പിനേക്കാൾ മുഖ്യം അടുത്ത വർഷത്തിൽ ഒരു രണ്ടാം ഭാവം പ്രതീക്ഷിച്ചുകൊണ്ട് മുന്നേറുന്ന ഇന്നത്തെ മുഖ്യമന്ത്രിക്ക് ആണെങ്കിലും പ്രതിപക്ഷ നേതാവിന് ആണെങ്കിലും തൊടുന്നതെല്ലാം പണിയാകുന്നു എന്ന ഒരൊറ്റ വിഷമത്തിലാണ് കാര്യങ്ങളുടെ ഇന്നത്തെ പോക്കുകൾ .

പെയിഡ് സർവേകളും അഭിപ്രായങ്ങളുമൊക്കെ വന്നു തുടങ്ങിയപ്പോൾ ഭരിക്കുന്ന പാർട്ടിക്കാർ പ്രതിപക്ഷത്തേക്കാൾ വളരെയേറെ മുന്നേറിക്കൊണ്ടിരിക്കുകയാണ് .

ജനങ്ങളുടെ മനസ്സിലും സോഷ്യൽ മീഡിയയിലെ ആരാധകരിലും മുഖ്യമന്ത്രി പ്രതിപക്ഷനേതാവിനെ മലർത്തിയടിച്ചുകൊണ്ട് അതിവേഗം നീങ്ങുമ്പോൾ പ്രവാസി വിഷയങ്ങളിലെ ഇരട്ടത്താപ്പുകൾ ജനങ്ങളിൽ എത്തിക്കുന്നതിൽ കെപിസിസി പ്രസിഡണ്ടിനും പഴയ പ്രതാപം നഷ്ടപ്പെട്ടിരിക്കുന്നു .

ഏറ്റവും ലൈവായി നടന്നുകൊണ്ടിരിക്കുന്ന ഷംന കാസിം വിഷയത്തിൽ കേരളാപോലീസ് ചോദ്യം ചെയ്തത് കോൺഗ്രസ്സ് അനുകൂല സിനിമക്കാരായ ധർമ്മജൻ ബോൾഗാട്ടിയെയും , ടിനി ടോമിനെയും , ബാബുരാജിനെയും മാത്രമാണ് .

എന്തുകൊണ്ട് ഇവരെ മാത്രം ചോദ്യം ചെയ്‌തെതെന്ന് ചോദിക്കുവാൻ പ്രതിപക്ഷ നേതാവിനോ കെപിസിസി പ്രസിഡണ്ടിനോ സമയമില്ല . അവരിപ്പോഴും നരസിംഹറാവുവിന്റെയും സീതാറാം കേസരിയുടെയും കാലഘട്ടത്തെ കോൺഗ്രസുകാരായി തരം താഴുകയാണ്.

ജനങ്ങളുടെ മനസ്സ് പഠിക്കാതെ അവർ എന്തോന്ന് പത്ര സമ്മേളനങ്ങൾ നടത്തിയാലും ഉപവാസങ്ങൾ നടത്തിയാലും അത് വെള്ളത്തിൽ വരച്ച വര പോലെയാണെന്ന് മനസ്സിലാക്കുവാൻ ആർക്കും സാധിക്കും .

സിനിമ നടിമാരുടെ വിഷയങ്ങളിൽ കൈ വെക്കുമ്പോൾ പെണ്ണെഴുത്തുകാരും പെൺ വിമോചനക്കാരും പെണ്ണുങ്ങളുടെ വോട്ടുകളും ഒക്കെ തങ്ങളുടെ കൂടെ നിൽക്കുമെന്ന വ്യക്തമായ ബോധമാണ് അത്തരം കേസുകളിൽ കാണിക്കുന്ന അമിതാവേശം .

രാഷ്ട്രീയക്കാരും അതുമായി ബന്ധപ്പെട്ടവരും മനുഷ്യന്റെ ജീവൻ എടുക്കുന്ന കേസുകളിൽ കാണിക്കാത്ത ശുഷ്കാന്തിയാണ് സിനിമാനടിമാരുടെ കേസുകളിൽ പോലീസ് കാണിക്കുന്നത്. .

കൂടെ നിൽക്കുന്ന സിനിമക്കാരെയും സാഹിത്യകാരെയും പത്രക്കാരെയും സംരക്ഷിക്കുവാൻ പ്രതിപക്ഷം സമയം ചിലവഴിക്കാത്തത് അവർക്ക് തന്നെ തിരിച്ചടി ആകുമ്പോൾ മനസ്സിലാകും .

പ്രളയത്തിന്റെ ഫണ്ടുകൾ കൈകാര്യം ചെയ്യുന്ന കാര്യത്തിൽ ഭരിക്കുന്നവർ കാണിക്കുന്ന ആർത്തിക്കെതിരെ ഇതുവരെ ഒന്ന് ഒച്ചയിടുവാൻ പ്രതിപക്ഷത്തിനാവുന്നില്ല .

ശരിക്കും ആ ഒരൊറ്റ വിഷയം മതി ഈ ഭരണത്തെ ജനങ്ങളിൽ നിന്നകറ്റുവാൻ . അക്കാര്യത്തിൽ ഒരു ചെറുവിരൽ അനക്കുവാൻ പോലും രമേശ് ചെന്നിത്തലജിക്ക് സാധിക്കാത്തത് എന്തുകൊണ്ട് ?

കോവളത്തെ സ്വന്തം എംഎൽഎ യെ ജയിലിൽ അടച്ചപ്പോൾ അതിന്റെ ഇരട്ടി കുറ്റങ്ങൾ ചെയ്ത ഷൊർണൂർ എംഎൽഎ ശശിയുടെ വിഷയത്തിൽ കെപിസിസി മിണ്ടിയിട്ടില്ല . നിയമനങ്ങളിലൂടെ കുപ്രസിദ്ധനായ ഒരു മന്ത്രിയെ രാജിവെപ്പിക്കുവാൻ എന്തുകൊണ്ടായില്ല ? അഴിമതികളിൽ കുഴഞ്ഞുമറിഞ്ഞിട്ടും അക്കാര്യങ്ങൾ അണികളിൽ വരെ എത്തിക്കുവാൻ കഴിയാഞ്ഞത് ഇപ്പോഴും ചോദ്യ ചിഹ്നമായി മാറുന്നു !!!

ശരിക്കും എവിടെയാണ് പിഴച്ചത് . 120 നു മേലെ അസ്സംബ്ലി മണ്ഡലങ്ങളിൽ ലീഡ് കൊടുത്ത ലോകസഭാ തിരഞ്ഞെടുപ്പിന് ശേഷം നടന്ന നിയമസഭാ ഉപതെരഞ്ഞെടുപ്പുകളിൽ കയ്യിൽ ഉണ്ടായിരുന്ന മൂന്ന് സീറ്റുകൾ നഷ്ടപ്പെട്ടതാണോ മനസ്സ് മരവിക്കുവാൻ കാരണമായത് ? ശരിയായ സ്ഥാനാർത്ഥികളെ നിർത്തിയിരുന്നെങ്കിൽ നഷ്ടപ്പെട്ട മൂന്നു സീറ്റുകളും പിടിച്ചു നിർത്താമായിരുന്നു .

ഇടത്‌ ക്ഷത്തെപ ശുദ്ധീകരിച്ചുകൊണ്ടുള്ള സിനിമകൾ ഇറങ്ങുമ്പോൾ വിമർശിച്ചിട്ടുള്ള ഒരു സിനിമയും ഇറക്കുവാൻ പറ്റാത്തത് എന്തുകൊണ്ടെന്ന് പ്രതിപക്ഷക്കാർ ആലോചിച്ചിട്ടുണ്ടോ ? മിമിക്രിക്കാരും ചാനൽ കോമഡി ഷോക്കാരും എന്തുകൊണ്ട് ഈ ഭരണത്തെയും ഈ മുഖ്യനെയും വിമർശിക്കുന്നില്ല .

ഇപ്പോൾ ഈ കോമഡിക്കാരും ചാനലുകാരും ഒക്കേം എന്ത് ചെയ്യുവായിരിക്കും , അവർക്കുള്ള വീട്ടു ചിലവ് ആര് നൽകും ? കോമഡി ഷോ മാത്രമല്ല കോമഡി സ്കിറ്റുകളും എന്തിനധികം മുൻഷി വരെ ഭരിക്കുന്നവരുടെ നേരെ മിണ്ടുന്നില്ല .

വാർത്തകളിലൂടെ കേരളത്തെ ഞെട്ടിച്ചുകൊണ്ടേയിരുന്ന ചാനൽ മുതലാളിമാരും വാർത്ത വായനക്കാരും , 24 ആയാലും 18 ആയാലും റിപ്പോർട്ടർമാരായാലും എല്ലാവരും മുഖ്യമന്ത്രിയുടെ ഏറാൻ മൂളികളായി ബാക്കിയുള്ള ജീവിതം മനസ്സമാധാനമായി ജീവിക്കുവാൻ ഒരുക്കം കൂട്ടുന്നു .

ഇവർക്കൊക്കെ ആവശ്യത്തിന് പ്രശ്നങ്ങൾ വീട്ടിലും സ്ഥാപനത്തിലും ഉണ്ടെന്നുള്ളത് ഭരണക്കാർ മനസ്സിലാക്കിയപ്പോൾ അവരെയിട്ട് പൂട്ടിയിരിക്കുകയാണ് .സ്വന്തം ചാനലിലും പത്രത്തിലും എന്തെങ്കിലുമൊക്കെ ചെയ്തുകൊണ്ട് അതെങ്കിലും ജനങ്ങളിൽ എത്തിച്ചാൽ നന്നായിരുന്നു .

രാമലീലയുടെ തിരക്കഥാകൃത്ത് , അയ്യപ്പനും കോശിയുമെന്ന ഒരുഗ്രൻ ചിത്രം മലയാളത്തിന് സമ്മാനിച്ച സച്ചിയെന്ന ചെറുപ്പക്കാരന്റെ മരണം, പ്രതിപക്ഷം അറിഞ്ഞിട്ടേയില്ലെന്ന് തോന്നിപ്പോകുന്നു . എന്തുകൊണ്ട് അങ്ങനെ സംഭവിച്ചു എന്നാരെങ്കിലും അന്വേഷിച്ചിട്ടുണ്ടോ ? . ഇപ്പോൾ പെട്ടെന്ന് ഒരു വാരിയംകുന്നൻ പൊട്ടിമുളച്ചിരിക്കുന്നു .

ലോക്‌സഭാ തിരഞ്ഞെടുപ്പിൽ നഷ്‌ടമായ മലബാറിലെ മാപ്പിള സഖാക്കളെ തിരിച്ചുകൊണ്ടുവന്ന് പാർട്ടിയോട് കൂടുതൽ അടുപ്പിക്കുവാൻ ഉണ്ടാക്കിയ ഒരു സിനിമ ട്രിക്കല്ലേ എന്നാരെങ്കിലും അഭിപ്രായപ്പെട്ടാൽ ചിരിക്കുകയെ നിർവാഹമുള്ളൂ .

സംവിധായകന്റെ മനസ്സിലിരുപ്പ് അതല്ലാതെ അതിനപ്പുറം വേറെയൊന്നും ഇല്ലായെന്ന് അദ്ദഹത്തിന്റെ പഴയകാല ചരിത്രം പരിശോധിച്ചാൽ പഠിക്കാവുന്നതേയുള്ളൂ .ഇനിയിതാ നമ്പർ ഒന്ന് എന്ന പേരിലൊരു സിനിമ തയാറായിവരുന്നു . അതൊന്നും മനസ്സിലാക്കുവാൻ എന്തുകൊണ്ട് പ്രതിപക്ഷത്തിന് ആകുന്നില്ല എന്നതാണ് ചോദ്യം .

ഇനി നിയമസഭാ തിരഞ്ഞെടുപ്പിന് പത്തോളം മാസങ്ങൾ ബാക്കിയുണ്ട് . സ്ഥാനാർത്ഥികളെ കണ്ടെത്തുവാൻ ഇഷ്ടംപോലെ സമയമുണ്ട് . എന്നിട്ടും അതിനുള്ള പണികളൊന്നും നോക്കാതെ ഇപ്പഴും ഒരു മാതിരി അഴകൊഴമ്പൻ കളികളാണ് പ്രതിപക്ഷത്തിന്റെ ഭാഗത്തുനിന്നും ഉണ്ടായിക്കൊണ്ടിരിക്കുന്നത് .

എന്നിട്ട് നോമിനേഷന്റെ അവസാനനാളിൽ ഹെലികോപ്റ്ററിലൊക്കെ ആളെ ഇറക്കി വിടുന്ന’പ്രവണത എന്നേ മാറ്റേണ്ടതാണ് . ജയസാധ്യത ഇല്ലാത്ത സീറ്റുകളിലേക്ക് ആളെ ഇറക്കി വിട്ടുകൊണ്ട് അതെല്ലാം തിരിച്ചുപിടിക്കുവാൻ നോക്കാതെ നടന്നാൽ ചിലപ്പോൾ രണ്ടാമതും പിണറായി കേരളം ഭരിക്കുന്നത് കൈരളി ചാനലിലൂടെ’അറിയേണ്ടതായ അവസ്ഥകൾ വരും .

പിന്നെ കേരളവും ബീഹാറാവും . പി ഡബ്ള്യു സി കരാറും , ബസുകളുടെ കരാറും , സ്പ്രിങ്ക്ലർ അഴിമതീയും , നിയമന അഴിമതികളുമൊക്കെ ഇങ്ങനെ വിട്ടാൽപോരാ . ഈയിടെ കടകംപിള്ളിയുടെ മകന്റെ നിയമനവാർത്തയും കാണുവാനിടയായി . ഇതെല്ലാം മനസ്സിലാക്കി ഒരു നല്ല സോഷ്യൽ മീഡിയ കാംപയിൻ സ്വന്തം വീട് വിറ്റിട്ടെങ്കിലും ചെയ്‌താൽ ഇനിയുള്ള കാലം തലയിൽ മുണ്ടിടാതെ ഓരോ കോൺഗ്രസ്സുകാരനും നടക്കുവാൻ സാധിക്കും .

Related Posts

More News

ഡല്‍ഹി: ജമ്മു കശ്മീരിൽ രണ്ടിടങ്ങളിൽ ഭീകരരും സുരക്ഷാ സേനയും തമ്മില്‍ ഏറ്റുമുട്ടല്‍. ബാരാമുള്ളയിലും ഷോപ്പിയാനിലും ആണ് ഏറ്റുമുട്ടൽ. ബാരാമുള്ളയിൽ സുരക്ഷാസേന രണ്ട് ഭീകരരെ വധിച്ചു. ഇന്നലെ ജമ്മു കാശ്മീരിലെ ഉധംപൂരിൽനടന്ന ഇരട്ട സ്ഫോടനങ്ങളുമായി ബന്ധപ്പെട്ട് ദേശീയ അന്വേഷണ ഏജൻസി അന്വേഷണം നടത്തുകയാണ്. രണ്ട് ബസുകളിലായി രണ്ട് സമയത്ത് നടന്ന സ്ഫോടനത്തിൽ രണ്ട് പേർക്കാണ് പരിക്കേറ്റത്

തിരുവനന്തപുരം: എകെജി സെന്റർ ആക്രമണക്കേസിലെ പ്രതി യൂത്ത് കോൺഗ്രസ് നേതാവ് ജിതിൻ സഞ്ചരിച്ച സ്കൂട്ടർ ക്രൈംബ്രാഞ്ച് കണ്ടെത്തി. കഠിനംകുളത്തുനിന്നാണ് സ്‌കൂട്ടര്‍ പിടിച്ചത്. ഒരു സുഹൃത്തിന്റെ സ്കൂട്ടർ അവരറിയാതെ ജിതിൻ എടുത്തുകൊണ്ടു പോയതാണെന്നാണ് ക്രൈംബ്രാഞ്ചിന്റെ ഭാഷ്യം. യൂത്ത് കോണ്‍ഗ്രസ് ജില്ലാ നേതാവ് സുഹൈല്‍ ഷാജഹാന്റെ ഡ്രൈവര്‍ സുധീഷിന്റെയാണ് സ്‌കൂട്ടര്‍. ജൂൺ 30ന് രാത്രി 11.25നാണ് എകെജി സെന്ററിനു നേരെ സ്ഫോടക വസ്തു എറിഞ്ഞത്. ചുവന്ന ഡിയോ സ്കൂട്ടറിലെത്തിയ ആളാണ് സ്ഫോടക വസ്തു എറിഞ്ഞതെന്ന് സിസിടിവി ദൃശ്യങ്ങളിൽ വ്യക്തമായിരുന്നു. പൊലീസ് […]

സംസ്ഥാനത്ത് സ്വർണവില ഉയർന്നു. തുടർച്ചയായ രണ്ടാം ദിവസമാണ് സ്വർണവില ഉയരുന്നത്. പവന് 200 രൂപ ഉയർന്ന് 37,320 രൂപയാണ് ഇന്നത്തെ വില. ഗ്രാമിന് 4665 രൂപയാണ്. ഈ മാസത്തിലെ തന്നെ ഏറ്റവും താഴ്ന്ന വിലയില്‍ സ്വര്‍ണ വില എത്തിയത് സെപ്റ്റംബര്‍ 16,21,27, 28 എന്നീ ദിവസങ്ങളില്‍ ആണ്. 36,640 രൂപയായിരുന്നു ഈ ദിവസങ്ങളിലെ വില. സെപ്റ്റംബര്‍ 9 മുതല്‍ സെപ്റ്റംബര്‍ 13 വരെയും ഇതു പോലെ കേരളത്തിലെ സ്വർണ്ണവില മാറ്റമില്ലാതെ തുടർന്നിരുന്നു. ഒരു പവന് 37,400 ഉം […]

പോളി സിസ്റ്റിക് ഓവറി സിൻഡ്രം [PCOS] ഇന്ന് സ്ത്രീകളിൽ കാണുന്ന സാധാരണമായ ഒരു അവസ്ഥയാണ്. ഇത് ക്രമം തെറ്റിയ ആർത്തവ ചക്രത്തിനും അമിതമായ പുരുഷ ഹോർമോണിന്റെ ഉത്പാദനത്തിനും [ഹിർസ്യുട്ടിസം] കാരണമാകുന്നു. പിന്നീടിത് അമിതമായ മുടി വളർച്ചയ്ക്കും അല്ലെങ്കിൽ കൂടിയ അളവിലുള്ള ടെസ്റ്റോസ്റ്റിറോണിന്റെ ഉത്പാദനത്തിലേക്കും നയിക്കുന്നു. അമിതമായ ശരീരഭാരം പിസിഒഎസിനെ വഷളാക്കുന്നു. ഇത് ശരീരത്തിലെ ഇൻസുലിന്റെ അളവ് കുറയ്ക്കുകയും തന്മൂലം ശരീരത്തിലെ ആൻഡ്രോജന്റെ [കൂടുതലായി ടെസ്റ്റോസ്റ്റീറോണിന്റെ ] അളവ് കൂട്ടുകയും ചെയ്യുന്നു. ഇത് മുഖത്തെ അമിതമായ രോമവളർച്ചയ്ക്കും വർധിച്ച […]

മോഹൻലാലിന്റെ പുതിയ ആഡംബര കാരവാൻ സമൂഹമാധ്യമത്തിലൂടെ ഏറ്റെടുത്ത് ആരാധകർ. മോഹൻലാലിന്റെ ഇഷ്ടനമ്പരായ 2255 കാരവാനുവേണ്ടി സ്വന്തമാക്കുകയും ചെയ്തു.ബ്രൗൺ നിറമുള്ള കാരവാൻ വാഹനപ്രേമികളുടെ മനം കവരുകയാണ്. ഒാജസ് ഒാട്ടോമൊബൈൽസാണ് ഭാരത് ബെൻസിന്റെ 1017 ബസിനെ ആഡംബര കാരവാനായി രൂപപ്പെടുത്തിയത്. അതേസമയംജീത്തു ജോസഫ് ചിത്രം റാമിലാണ് മോഹൻലാൽ ഇപ്പോൾ അഭിനയിക്കുന്നത്. റാം പൂർത്തിയാക്കിയ ശേഷം മോഹൻലാൽ ലിജോ ജോസ് പെല്ലിശേരിയുടെ ചിത്രത്തിൽ ജോയിൻ ചെയ്യും.ജനുവരിയിൽ ചിത്രീകരണം ആരംഭിക്കാനാണ് തീരുമാനം.പുലിമുരുകനുശേഷം മോഹൻലാലും സംവിധായകൻ വൈശാഖും ഒരുമിക്കുന്ന മോൺസ്റ്റർ ഒക്ടോബർ 21ന് റിലീസ് […]

തിരുവനന്തപുരം: സിംഗിള്‍ ഡ്യൂട്ടി നടപ്പാക്കാനുള്ള തീരുമാനത്തിനെതിരെ കെഎസ്ആര്‍ടിസിയിലെ ഐ എന്‍ ടിയുസി ആഭിമുഖ്യത്തിലുള്ള ടിഡിഎഫ് പ്രഖ്യാപിച്ച സമരത്തിനെതിരെ ഗതാഗത മന്ത്രി ആന്‍റണി രാജു രംഗത്ത്. ഇത് രാഷ്ട്രീയ പ്രേരിതമാണ്. 8 മണിക്കൂർ ഡ്യൂട്ടിയെ സംബന്ധിച്ച് ചിലർ തെറ്റിദ്ധാരണ പരത്തുന്നു. യൂണിയൻ നേതാവിന്‍റെ സമ്മർദ്ദത്തിന് വഴങ്ങി ആരെങ്കിലും സമരം നടത്തിയാൽ അവരെ സഹായിക്കാൻ യൂണിയന് കഴിയില്ല. മാനേജ്മെന്റ് പ്രഖ്യാപിച്ച ഡയസ്നോൺ സർക്കാർ മുമ്പും അംഗീകരിച്ചിട്ടുണ്ട്. സമ്മർദ്ദത്തിന് സർക്കാർ വഴങ്ങില്ല. അഞ്ചാം തിയതിക്കുള്ളിൽ ശമ്പളം നൽകാമെന്ന് മുഖ്യമന്ത്രി ഉറപ്പ് നൽകിയതാണ്.സമരം […]

നാഗർകോവിൽ: നിദ്രവിളിയിൽ അദ്ധ്യാപികയുടെ അഞ്ചര പവന്റെ മാല കവർന്നു. സ്വകാര്യ സ്കൂളിൽ അദ്ധ്യാപികയായ നിദ്രവിള ക്രാതർ സ്വദേശിനി പ്രമീളയുടെ മാലയാണ് കവർന്നത്. ഇന്നലെ വൈകിട്ടായിരുന്നു സംഭവം. സ്കൂൾ കഴിഞ്ഞ് വൈകിട്ട് വീട്ടിലേക്ക് മടങ്ങവെ ബൈക്കിലെത്തിയ രണ്ടുപേർ പ്രമീളയെ ബൈക്കിൽ നിന്ന് തള്ളിയിട്ട ശേഷം കഴുത്തിൽ കിടന്ന അഞ്ചര പവന്റെ മാല പൊട്ടിച്ചെടുക്കുകയായിരുന്നു. നിലവിളി കേട്ട് നാട്ടുകാർ എത്തിയപ്പോഴേക്കും മോഷ്ടാക്കൾ ബൈക്കിൽ കടന്ന് കളഞ്ഞു. സംഭവുമായി ബന്ധപ്പെട്ട് നിദ്രവിള പൊലീസ് കേസെടുത്തു.

തിരുവനന്തപുരം: വിഴിഞ്ഞത്ത് സാമൂഹികാരോഗ്യ കേന്ദ്രത്തിൽ ചികിത്സ തേടിയെത്തിയ യുവതിയെ പട്ടി കടിച്ചത് കണ്ടിട്ടും പ്രാഥമിക ചികിത്സ പോലും നൽകാതെ ആശുപത്രി ജീവനക്കാർ അകത്തേക്ക് കയറി പോയെന്ന് അപർണയുടെ അച്ഛൻ വാസവൻ . ചപ്പാത്ത് സ്വദേശി അപർണ (31) യ്ക്കാണ് ദുരനുഭവം നേരിട്ടത്. രാവിലെ ഏഴേകാലോടെയാണ് സംഭവം. വീടിനകത്തുവച്ച് പൂച്ചകടിച്ചതിന് രണ്ടാംഡോസ് വാക്സീൻ എടുക്കാൻ അച്ഛൻ വാസവന് ഒപ്പം എത്തിയതായിരുന്നു അപര്‍ണ. ഒപി പ്രവര്‍ത്തിക്കുന്ന ഡോക്ടറുടെ ഡ്യൂട്ടി മുറിയായ ഐപി ബ്ലോക്കിൽ എത്തി ആശുപത്രി അധികൃതരുമായി സംസാരിച്ചതിന് ശേഷം […]

ശിവകാർത്തികേയനെ നായകനാക്കി അനുദീപ് കെ.വി സംവിധാനം ചെയ്യുന്ന റൊമാന്റിക് കോമഡി ചിത്രം പ്രിൻസ് ദീപാവലിക്ക് റിലീസ് ചെയ്യും. ഒക്‌ടോബർ 21ന് റിലീസ് ചെയ്യുന്ന ചിത്രത്തിൽ തമിഴ് ടൂറിസ്റ്റ് ഗൈഡിന്റെ വേഷമാണ് ശിവകാർത്തികേയന്. തമിഴിലും തെലുങ്കിലുമാണ് ചിത്രീകരിച്ചത്. യുക്രെയ്‌ൻ താരം മറിയ ഗ്യാബോഷ്‌കയാണ് നായിക. സത്യരാജ്, പ്രേംജി അമരൻ എന്നിവരാണ് ചിത്രത്തിലെ മറ്റു താരങ്ങൾ. ശ്രീവെങ്കിടേശ്വരൻ സിനിമാസാണ് നിർമ്മാണം. ജി.കെ.വിഷ്ണു ഛായാഗ്രഹണവും എസ്. തമൻ സംഗീത സംവിധാനവും നിർവഹിക്കുന്നു. അതേസമയം, ഏറ്റവും അവസാനം റിലീസ് ചെയ്ത ശിവകാർത്തികേയൻ ചിത്രങ്ങളായ […]

error: Content is protected !!