നമ്മുടെ വിദ്യാഭ്യസ മന്ത്രി ഇടപ്പള്ളി സമരത്തിനെതിരെ സിനിമാ താരം ജോജുവിനനുകൂലമായി പോസ്റ്റിട്ടു കണ്ടപ്പോൾ സത്യത്തിൽ ആരോടൊക്കെയോ സഹതാപം തോന്നിപ്പോയി ! 111 രൂപ മുടക്കി നിങ്ങള്‍ ഒരു ലിറ്റര്‍ പെട്രോള്‍ അടിക്കുമ്പോള്‍ അതില്‍ 40 രൂപയിലധികം ഖജനാവിലേയ്ക്ക് വാങ്ങുന്ന പിണറായി സര്‍ക്കാരിന്‍റെ സ്വന്തം സഖാക്കള്‍ക്ക് അല്ലെങ്കിലും ഈ സമരം അത്ര രുചിക്കാനിടയില്ല. താരത്തെ ഇറക്കി സമരം പൊളിക്കാന്‍ ശ്രമിച്ചവരുടെ 'ചേതോവികാരം' അപാരംതന്നെ ! എന്തായാലും കോൺഗ്രസുകാർക്ക് ഇനി സമാധാനിക്കാം, അണികളിൽ ജോജു ഉണർത്തിയ ഈ ആവേശം കെട്ടടങ്ങാതെ നോക്കിയാൽ സമരങ്ങള്‍ക്ക് ഇനി നല്ലകാലം - ദാസനും വിജയനും എഴുതുന്നു

കേരളപ്പിറവി കേരളം നന്നായി ആഘോഷിച്ചു. ജീവിതത്തിൽ ആദ്യമായി പൂഞ്ഞാർ മുഖ്യൻ പിസി ജോർജ്ജിനോട് ഇഷ്ടം തോന്നിയത് ഇപ്പോഴാണ്. ജോജു ജോർജ്ജ് എന്ന സിനിമാക്കാരനെ പച്ചക്ക് തെറി വിളിക്കാൻ കാണിച്ച ചങ്കൂറ്റത്തിന്.

'' ഞാൻ അവിടെ ഉണ്ടായിരുന്നെങ്കിൽ ജോജു ആശുപത്രിയിൽ കിടക്കുമായിരുന്നു '' അവനും കൂടി വേണ്ടിയാണല്ലോ അവർ സമരം ചെയ്തത് ''കണ്ടാൽ കള്ളു കുടിയനെ പോലെയാണ് അയാൾ പെരുമാറിയത് '' എന്തോ ലഹരി അയാളിൽ ഉണ്ടായിരുന്നു എന്ന തോന്നൽ സഖാക്കൾ ഒഴികെ ആർക്കും ഇല്ലാതില്ല.

എന്തായാലും കഴിഞ്ഞ ആറേഴു വർഷങ്ങളായി കോൺഗ്രസ്സ് പാർട്ടിയും യുഡിഎഫും ചെയ്തുവന്ന ഒരൊറ്റ സമരവും വിജയം കണ്ടിട്ടുണ്ടായിരുന്നില്ല. പക്ഷെ ഒരു സമരം കേരളസമൂഹം ചർച്ചയാക്കിയതിൽ പ്രസിഡന്റ് സുധാകരനും കൂട്ടരും നന്ദി പറയേണ്ടത് ജോജുവിന്‌ തന്നെയാണ്.

ജോജു ബഹളം വെച്ചില്ലായിരുന്നെങ്കിൽ മുൻപൊക്കെ പൊളിഞ്ഞു പോയ സമരങ്ങളിൽ ഒരു സമരം കൂടിയാകുമായിരുന്നു. ഇന്നിപ്പോൾ കുതിച്ചുയരുന്ന പെട്രോളിന്റെയും ഗ്യാസിന്റെയും ഡീസലിന്റെയും വിലക്കെതിരെ കോൺഗ്രസ്സ് പാർട്ടി എങ്കിലും സമരത്തിന് ഉണ്ടെന്നുള്ളത് ജനം തിരിച്ചറിഞ്ഞു.

കൂടാതെ സഖാക്കൾ കൂടി ഏറ്റെടുത്തതോടെ സമരം ഇനി അറിയാത്തവരായി ഇല്ല. സാധാരണയായി ചാനലുകളായ ചാനലുകളൊക്കെ ഇടതുപക്ഷ സർക്കാരിന് വേണ്ടിയും ബിജെപി സർക്കാരിനുവേണ്ടിയും ഏറാന്മൂളികൾ ആകുമ്പോൾ ഈ സമരം അവർക്ക് ജനങ്ങളിൽ എത്തിക്കാതിരിക്കാതെ വയ്യാതായി.

കൗണ്ടർ പോയിന്റുകളും പോയന്റ് ബ്ലാങ്കുകളും പണം വാങ്ങി ന്യുസ് കൊടുക്കുന്ന മോൺസൺ ചാനലുകളും ജോജിക്ക്‌ അനുകൂലമായോ പ്രതികൂലമായോ പറയാതെ വയ്യ എന്ന നിലക്കായി .

കേരളത്തിൽ ആദ്യമായി സമരമെന്ന ആഭാസം ജനങ്ങളിൽ അടിച്ചേൽപ്പിച്ച പാർട്ടിയായ സിപിഎം , കമ്പ്യുട്ടറിനെതിരെയും , പ്രീഡിഗ്രി ബോർഡിനെതിരെയും , സ്വാശ്രയ കോളേജിനെതിരെയും , പ്ലസ് ടുവിനെതിരെയും നവോദയ വിദ്യാലയങ്ങൾക്കെതിരെയും , വൈസ് ചാൻസലർക്കെതിരെയും , ഒരു വിദ്യാർത്ഥിക്കെതിരെയും സമരങ്ങൾ നടത്തിയ എസ്എഫ്ഐ , കേരളത്തിലെ തലസ്ഥാന നഗരി തൂറി നിറച്ചുകൊണ്ടും നിയമസഭയിൽ സർക്കസ് കാണിച്ചുകൊണ്ടും സമരം നടത്തിയവരിപ്പോൾ സ്വാതന്ത്ര്യ സമരത്തെ വരെ തള്ളിപ്പറയുന്ന അവസ്ഥയിലായിരിക്കുന്നു.

കേരളത്തിലെ കുറെ ഊച്ചാളി സിനിമാക്കാർ, വാളയാറിലെയും വണ്ടിപ്പെരിയാറിലെയും കുട്ടികളുടെ കണ്ണീരിനു വിലകല്പിക്കാത്തവന്മാർ ഇപ്പോൾ ജോജു ജോർജ്ജിന് വേണ്ടി ഹാഷ് ടാഗുമായി വരുമ്പോൾ രണ്ടെണ്ണം പൊട്ടിക്കാൻ തോന്നിയാൽ അത് സ്വാഭാവികം മാത്രം.

ബഹുമാനപ്പെട്ട വിദ്യാഭ്യസ മന്ത്രി ജോജുവിനനുകൂലമായി പോസ്റ്റിട്ടു കണ്ടപ്പോൾ സത്യത്തിൽ സഹതാപം തോന്നിപ്പോയി. കള്ളു കുടിച്ചിട്ടില്ല എന്നാണല്ലോ പോലീസ് റിപ്പോർട്ട് വന്നത്.

അതൊക്കെ ജനം വിശ്വസിച്ചു എങ്കിലും മറ്റു മയക്കുമരുന്നുകൾ ഉപയോഗിച്ചിരുന്നുവെങ്കിൽ അത് മനസ്സിലാക്കാനുള്ള മെഷീൻ പോലീസിന്റെ കൈവശം ഉണ്ടാകുമോ ആവോ ?

അതെന്തായാലും ഈ താരത്തിന് ഈ റോഡ് ഷോ പതിവ് കലാപരിപാടിയാണ്. കഴിഞ്ഞ ആഴ്ച്ച ചാവക്കാട് ട്രാഫിക് ബ്ലോക്കിൽ ഒരു വിദ്യാർത്ഥിയോട് സാറ് കയർക്കുന്നതിന്റെ ദൃശ്യങ്ങൾ ഇപ്പോള്‍ സോഷ്യല്‍ മീഡിയയില്‍ വൈറലാണ്.

എന്തായാലും കോൺഗ്രസുകാർക്ക് ഇനി സമാധാനിക്കാം , അണികളിൽ ജോജു ഉണർത്തിയ ഈ ആവേശം കെട്ടടങ്ങാതെ നോക്കിയാൽ സഖാക്കൾ കൂടുതൽ ക്യാപ്സ്യൂളുകൾക്കായി ബുദ്ധിമുട്ടേണ്ടി വരും.

ഇത്രേം ആയിട്ടും മുഖ്യമന്ത്രി ഒന്നും മിണ്ടാതിരിക്കാൻ കാരണം അങ്ങനെയെങ്കിലും ഈ സമരത്തെ വിജയിപ്പിച്ചു കൊടുക്കേണ്ട എന്ന് കരുതിക്കാണും.

കേന്ദ്രത്തിൽ പൊതുമേഖലാ സ്ഥാപനങ്ങൾ വിറ്റിട്ടും പെട്രോൾ വില കൂട്ടിയിട്ടും ശമ്പളം കൊടുക്കുമ്പോൾ കേരളം ശമ്പളം കൊടുക്കുന്നത് കള്ളും പെട്രോളും ഒക്കെ ജനങ്ങളിൽ അടിച്ചേൽപ്പിച്ചിട്ടു തന്നെയാണ്.

ഈ പിടി കോൺഗ്രസ് ഒന്ന് ആഞ്ഞുപിടിച്ചാൽ വീഴാവുന്നതേയുള്ളൂ ഏതൊരു സിംഹാസനവും. ഗോവ തിരഞ്ഞെടുപ്പ് അടുക്കുമ്പോൾ പോപ്പിനെ കാണാൻ പോകുന്ന പ്രധാന മന്ത്രിയും ചാനലുകാരെ കൂടെ കൂട്ടി മിന്നൽ പര്യടനങ്ങൾ നടത്തുന്ന മരുമോൻ മന്ത്രിയുമൊക്കെ ഭരിക്കുന്ന ഈ നാട്ടിൽ ഇനിയും ജോജുമാർ അവതരിക്കട്ടെ എന്നാശിക്കുന്നു.

വൈകുന്നേരമായാൽ രണ്ടെണ്ണമടിക്കണം എന്ന ചിന്തയിൽ മാത്രം ജീവിച്ചുപോകുന്ന ഒരു സമൂഹത്തിൽ ഇനിയും സമരങ്ങൾ നടത്തിയില്ലെങ്കിൽ അഹങ്കാരികൾ നാട് മുടിക്കും. അവർ ഇപ്പോഴേ പാവപ്പെട്ട ജനതയുടെ തലച്ചോറിലേക്ക് വിഷം കുത്തിനിറച്ചു കൊണ്ടിരിക്കുന്നു.

മനുഷ്യനാകണം ... മനുഷ്യരാകണം ... , എന്ന ഒറ്റ ചിന്തയിൽ

പെട്രോൾ വിലയിൽ പ്രതിഷേധിച്ചുകൊണ്ട് ഡ്രൈവർ ദാസനും

വൈകുന്നേരം രണ്ടെണ്ണമടിച്ചുകൊണ്ട് സിനിമാക്കാരൻ വിജയനും