രത്‌ലം: ജാതി അധിഷ്‌ഠിത സംവരണത്തിനുള്ള 50 ശതമാനം പരിധി കോൺഗ്രസ് നീക്കം ചെയ്യുമെന്നും ദലിത്, പിന്നാക്ക, ഗോത്ര വിഭാഗങ്ങളിൽ നിന്നുള്ളവർക്കുള്ള ആനുകൂല്യങ്ങൾ വർദ്ധിപ്പിക്കുമെന്നും രാഹുൽ ഗാന്ധി. മധ്യപ്രദേശിലെ രത്‌ലാമിൽ തിരഞ്ഞെടുപ്പ് റാലിയെ അഭിസംബോധന ചെയ്യവെയാണ് അദ്ദേഹം ഇക്കാര്യം പറഞ്ഞത്. ഭരണഘടനയെ സംരക്ഷിക്കാനാണ് ഈ തിരഞ്ഞെടുപ്പിലെ പോരാട്ടമെന്നും അദ്ദേഹം വ്യക്തമാക്കി.
"ബിജെപിയും ആർഎസ്എസും ഇത് (ഭരണഘടന) മാറ്റാന്‍ ആഗ്രഹിക്കുന്നു. കോൺഗ്രസും ഇന്ത്യാ മുന്നണിയും ഇത് സംരക്ഷിക്കാൻ ശ്രമിക്കുകയാണ്. ജലം, വനം, ഭൂമി എന്നിവയിൽ ഈ ഭരണഘടന നിങ്ങൾക്ക് അവകാശങ്ങൾ നൽകിയിട്ടുണ്ട്. നരേന്ദ്ര മോദിക്ക് അത്‌ നീക്കം ചെയ്യാനാണ് താൽപ്പര്യം. അദ്ദേഹത്തിന് പൂർണ്ണ അധികാരം വേണം," ഭരണഘടനയുടെ പകർപ്പ് കൈവശം വച്ചുകൊണ്ട് രാഹുൽ പറഞ്ഞു.
"ജയിച്ചാൽ ഭരണഘടന മാറ്റുമെന്ന് ബിജെപി നേതാക്കൾ പ്രഖ്യാപിച്ചിരുന്നു. അതുകൊണ്ടാണ് അവർ '400 സീറ്റ്' മുദ്രാവാക്യം ഉയര്‍ത്തിയത്. എന്നാല്‍ 400 മറന്നേക്കൂ. അവര്‍ക്ക് 150 സീറ്റുകള്‍ പോലും ലഭിക്കില്ല. സംവരണം എടുത്തുകളയുമെന്ന് അവർ പറയുന്നു. ഈ ഘട്ടത്തിൽ നിന്ന് ഞാൻ നിങ്ങളോട് പറയാൻ ആഗ്രഹിക്കുന്നു, ഞങ്ങൾ സംവരണം 50 ശതമാനത്തിനപ്പുറം വർദ്ധിപ്പിക്കും. ദരിദ്രർക്കും പിന്നാക്കക്കാർക്കും ദലിതർക്കും ആദിവാസികൾക്കും ആവശ്യമായത്ര സംവരണം നൽകും, ”അദ്ദേഹം പറഞ്ഞു.
/sathyam/media/agency_attachments/5VspLzgrB7PML1PH6Ix6.png)
Follow Us/sathyam/media/media_files/BbSavtWc1CDh9NmC4M4N.jpg)