കസബ തുറമുഖത്ത് പൊലീസിനെ വെട്ടിച്ച് കൈവിലങ്ങോടെ കടലില്‍ മുങ്ങിയ യുവാവ് ഇതുവരെ പൊങ്ങിയില്ല; പ്രതി ഇപ്പോഴും കാണാമറയത്ത് തന്നെ, തെരച്ചില്‍ തുടരുന്നു

കാസര്‍കോട് : എട്ടാം ക്ലാസ് വിദ്യാര്‍ഥിനിയുടെ കുളിമുറി ദൃശ്യം മൊബൈല്‍ ഫോണില്‍ പകര്‍ത്തിയ കേസില്‍ തെളിവെടുപ്പിനിടെ കസബ തുറമുഖത്ത് പൊലീസിനെ വെട്ടിച്ച് കൈവിലങ്ങോടെ കടലില്‍ ചാടിയ യുവാവിനെ ഇനിയും കണ്ടെത്തിയില്ല. പൊലീസും കടല്‍ രക്ഷാ സേനയുമാണ് തെരച്ചില്‍ തുടരുകയാണ്.

ടൈല്‍സ് തൊഴിലാളി കുഡ്‌ലു കാളിയങ്കാട് സ്വദേശി കെ.മഹേഷാണ് കാസര്‍കോട് കസബ തുറമുഖം പുലിമുട്ടില്‍ നിന്നു കടലിലേക്ക് ചാടിയത്. യുവാവ് കടലില്‍ ചാടിയ പുലിമുട്ടില്‍ പൊലീസ് കണ്‍ട്രോള്‍ റൂം നേതൃത്വത്തില്‍ 6 പൊലീസുകാര്‍ രാപകല്‍ കാവല്‍ ഉണ്ട്.