nidheesh kumar

വാരിക്കോരി മാർക്ക് നൽകി എസ്എസ്എൽസി എഴുതുന്ന എല്ലാവരെയും ജയിപ്പിച്ചത് തിരിച്ചടിയായി. പ്ലസ്ടുവിനും എൻട്രൻസുകൾക്കും മലയാളി വിദ്യാർത്ഥികളുടെ പ്രകടനം മോശം. എസ്എസ്എൽസി ജയിക്കുന്നവർക്ക് തെറ്റില്ലാതെ സ്വന്തം പേരെഴുതാൻ പോലുമറിയില്ലെന്ന് വിദ്യാഭ്യാസ ഡയറക്ടറും. എഴുത്തുപരീക്ഷയിൽ ഓരോ വിഷയത്തിലും 30% മാർക്ക് നേടിയവരെയേ ഇനി ജയിപ്പിക്കൂ. 9-ാം ക്സാസ് വരെയുള്ള ഓൾപാസും നിർത്തലാക്കും

ആകെ 30 ശതമാനം മാർക്ക് ലഭിച്ചാൽ കുട്ടി പാസാവുന്നതാണ് നിലവിലെ രീതി. 20 മാർക്ക് നിരന്തര മൂല്യനിർണയത്തിലൂടെയും 10 മാർക്ക് എഴുത്ത് പരീക്ഷയിലൂടെയും നേടിയാൽ മതി. എന്നാൽ ഇനി മുതൽ 20 മാർക്ക് നിരന്തര മൂല്യനിർണയത്തിലൂടെ നേടിയാലും എഴുത്ത് പരീക്ഷയിൽ 12 മാർക്ക് ലഭിച്ചാൽ മാത്രമേ വിജയിക്കാനാവൂ. ഒൻപതാം ക്ളാസ് വരെയുള്ള ഓൾ പാസ് സമ്പ്രദായവും നിർത്തലാക്കും.