ന്യൂസ് ബ്യൂറോ, തിരുവനന്തപുരം

അയ്യപ്പസംഗമത്തിലൂടെ മുഖം മിനുക്കാനായെന്ന സർക്കാരിന്റെ ആത്മവിശ്വാസത്തിന് കനത്ത പ്രഹരമേൽപ്പിച്ച് സ്വർണപ്പാളി വിവാദം. അയപ്പൻെറ അമൂല്യ സ്വത്തുക്കൾ കട്ട് കൊണ്ടുപോകുന്നവർ എന്ന ദുഷ്പേരാണ് സർക്കാരിനും ദേവസ്വം ബോർഡിനും മേൽ വന്നുപതിച്ചിരിക്കുന്നത്. സ്വർണ്ണപ്പാളി വിവാദത്തിൽ സർക്കാർ ക്രൈംബ്രാഞ്ച് അന്വേഷണം പ്രഖ്യാപിക്കും. ഉണ്ണികൃഷ്ണൻ പോറ്റിയുടെ സാമ്പത്തിക ഇടപാടുകളുൾപ്പെടെ പോലീസിന്റെ രഹസ്യാന്വേഷണ വിഭാഗം അന്വേഷിക്കും

സംശയത്തിൻെറ പുകമറയിൽ അകപ്പെട്ട സർക്കാരിനും ദേവസ്വം ബോർഡിനും അതിൽ നിന്ന് പുറത്തേക്ക് കടക്കാനുളള ഉപായമാണ് ക്രൈംബ്രാഞ്ച് അന്വേഷണം.സമഗ്രമായ അന്വേഷണം നടത്തി സംഭവിച്ചത് എന്താണെന്ന് ജനസമക്ഷം എത്തിച്ചില്ലെങ്കിൽ സർക്കാരിനെ കാത്തിരിക്കുന്നത് വലിയ രാഷ്ട്രീയ തിരിച്ചടിയായിരിക്കും.