സിനിമകള്‍ക്ക് മുന്‍പേ വിവാദമുണ്ടായാല്‍ പിന്നാമ്പുറത്ത് പണം കൊയ്യും ! വാരിയംകുന്നന്‍റെ പേരില്‍ എന്തോ ചീഞ്ഞു നാറുന്നോ ?

വാരിയംകുന്നൻ എന്ന മഹാവ്യക്തിയോടുള്ള സകലമാന ബഹുമാനത്തോടെ തുടങ്ങട്ടെ ! ആ നല്ല മനുഷ്യന്റെ പേര് ഇവിടെ പ്രതിപാദിക്കുന്നത് കൊണ്ട് അവരുടെ കുടുംബംങ്ങളോട് ആദ്യം ക്ഷമ ചോദിക്കുന്നു ! അതുപോലെ ആ കുടുംബാംഗങ്ങളും അദ്ദേഹത്തെ ഇഷ്ടപ്പെടുന്നവരും ഒരു വിവാദത്തിലേക്ക് അദ്ദേഹത്തെ വലിച്ചിടുവാൻ അനുവദിക്കരുത് !

എന്താണ് വാരിയംകുന്നൻ ? എന്തിനാണ് വാരിയംകുന്നൻ ? ഒന്നും മനസ്സിലാകുന്നില്ല . പെട്ടെന്ന് ഒരു നാൾ നേരം വെളുത്തപ്പോൾ വാരിയംകുന്നൻ ... വാരിയംകുന്നൻ ... ! മൊത്തം നാല് വാരിയം കുന്നന്മാർ . ഇതെന്താ ഇത് ?

ഇവിടെ ഇപ്പോൾ ഇതാണോ പ്രശ്നം ? 1921 സിനിമ കണ്ടിട്ടുണ്ട് , മമ്മുട്ടിയെയും കണ്ടിട്ടുണ്ട് , ഐവി ശശിയേയും കണ്ടിട്ടുണ്ട് , ടി ദാമോദരനെയും കണ്ടിട്ടുണ്ട് , മണ്ണിൽ മുഹമ്മദിനെയും കണ്ടിട്ടുണ്ട് , ടിജി രവിയേയും കണ്ടിട്ടുണ്ട് , ആലിമുസ്ല്യാരുടെ വീടായി ഷൂട്ട് ചെയ്ത വീട്ടിൽ താമസിച്ചിട്ടുമുണ്ട് .

പക്ഷെ ഈ വാരിയംകുന്നൻ നല്ലവനാണോ മോശക്കാരനാണോ തുര്‍ക്കിയുടെ ചാരനാണോ എന്നൊന്നും പിടിയില്ല. പക്ഷെ ഈ കൊച്ചുകേരളത്തിൽ അടുത്തൊരു വർഗീയ ലഹളക്കുള്ള സാധ്യതകൾ വാരിയംകുന്നന്റെ പേരിൽ തെളിഞ്ഞുവരുന്നുണ്ടോ എന്നാണ് സംശയം !

എവിടെയോ ? എന്തോ ? ചീഞ്ഞു നാറുന്നോ ?

കുറച്ചധികം ആളുകൾക്ക് ഒരു വർഗീയ ലഹള ആവശ്യമുള്ളതുപോലെ തോന്നുന്നു . ചിലർക്ക് പുതിയ അക്കൗണ്ടുകൾ തുറക്കുവാനും ചിലർക്ക് ചിലരുടെ സംരക്ഷണചുമതല ഏറ്റെടുക്കുവാനും ചിലർക്ക് കലക്കവെള്ളത്തിൽ മീൻ പിടിച്ചു ചുടുവാനുമൊക്കെയായി ഒരു വർഗീയ ചേരിതിരിവ് .

ഗുജറാത്തിലെ പോലെയും ഡൽഹിയിലെപ്പോലെയും മുസാഫർപൂർ പോലെയും ഒരു മാസ്റ്റർപ്ളാൻ തയാറായി വരുന്നു . അതിന്റെ മണം അറബിക്കടലിൽ കൂടി വരുന്നുണ്ട് . കഴിഞ്ഞ നിയമസഭാ തിരഞ്ഞെടുപ്പിന് മുന്നോടിയായി നടന്ന പുറ്റിങ്ങൽ വെടിക്കെട്ട് ഇതുപോലൊരു പ്ലാൻ ആയിരുന്നു .

കേരളത്തിലായതുകൊണ്ട് അതൊരു നനഞ്ഞ പടക്കമായി മാറി. ഒരു ചാനലിന്റെ റിപ്പോർട്ടർ പുറ്റിങ്ങൽ അമ്പലത്തിനടുത്തായി ഒരു ഇന്നോവ കാർനിറയെ വെടിക്കെട്ട് സാധനങ്ങൾ കാണുകയും അന്നത്തെ പോലീസ് അത് നിർവീര്യമാക്കുകയും ചെയ്തു . ഡൽഹിയിൽ നിന്നും പറന്നിറങ്ങുന്ന നേതാക്കന്മാർ വരുമ്പോൾ പൊട്ടിക്കുവാൻ വെച്ചിരുന്നതാണ് ആ വെടിക്കോപ്പുകളും വണ്ടിയും .

കോയമ്പത്തൂരിലെ അദ്വാനിയുടേതിന് സമാനമായ ഒരു മാസ്റ്റർപ്ലാൻ. ആ ഒരൊറ്റ കാരണത്താൽ പുറ്റിങ്ങൽ ഉൾപ്പെടുന്ന ചാത്തന്നൂർ മണ്ഡലം മുതൽ 16 മണ്ഡലങ്ങളിലാണ് അവർ രണ്ടാമത്തെ സ്ഥാനത്ത് എത്തിയത് . ഒരു സീറ്റും അടിച്ചെടുത്തു .

സിനിമക്കാരൊക്കെ ഏറാൻ മൂളികള്‍

ചിലർക്ക് ചിലരുടെ രക്ഷകനായിട്ടുവേണം കഴിഞ്ഞ ലോക്സഭാ തിരഞ്ഞെടുപ്പിൽ നേരിട്ട ഞെട്ടിക്കുന്ന തോൽ‌വിയിൽ നിന്നും മോചനം നേടുവാൻ . പ്രതീക്ഷിച്ച ചില വിഭാഗങ്ങളുടെ വോട്ടുബാങ്കുകൾ മറിഞ്ഞു വീണപ്പോൾ നേരിട്ട ക്ഷീണം തിരിച്ചുപിടിക്കുവാൻ കുറെയധികം പണം ചിലവാക്കിനോക്കി .

അപ്പോഴേക്കും ഈ ഒടുക്കത്തെ കൊറോണയും ചാർട്ടേർഡ് വിമാനവും ഒക്കെ ശല്യമായി മാറുമ്പോൾ ഇവിടെ ഒരു അട്ടിമറി നടന്നേ മതിയാകൂ . പണത്തിന്റെ ഹുങ്ക് കൊണ്ട് പ്രതിപക്ഷത്തിനെ സീറോ ആക്കി . പ്രതികരിച്ചിരുന്ന ചാനൽ വക്താക്കളെ ഒക്കെ കൂടെക്കൂട്ടി വായ്മൂടി കെട്ടി .

സോഷ്യൽ മീഡിയയിൽ ഒരു പോസ്റ്റർ വരെ ഷെയർ ചെയ്യുവാനുള്ള ജനത്തിന്റെ അവകാശങ്ങളെ ഭീതിജനകമായ അന്തരീക്ഷം സൃഷ്ടിച്ചുകൊണ്ട് എല്ലാവരും ഇപ്പോൾ സ്വന്തം കാര്യം സിന്ദാബാദ് ആയി മാറി . സിനിമക്കാരൊക്കെ ഏറാൻ മൂളികളായി മാറുമ്പോൾ ഇന്നിപ്പോൾ കോമഡിക്കാർക്ക് വരെ രാഷ്ട്രീയക്കാരെ വേണ്ടതായിരിക്കുന്നു . അതിന്നർത്ഥം ജീവനിൽ പേടി തന്നെ !!!

വാരിയംകുന്നനോടാണോ ഇഷ്ടം ?

നിങ്ങൾക്ക് തോന്നുന്നുണ്ടോ, വാരിയം കുന്നനോടോ അദ്ദേഹം പ്രതിനിധാനം ചെയ്യുന്ന മതത്തിനോടോ ഉള്ള ഇഷ്ടം കൊണ്ടാണോ ഈ സിനിമകളൊക്കെ പിടിക്കുന്നത് . ഇപ്പറയുന്നവർക്കൊക്കെ എന്തോന്ന് വാരിയൻകുന്നൻ . അവർക്ക് ഇപ്പോൾ സിനിമകളിൽ തൊടുവാനോ വീട്ടുവാടക കൊടുക്കുവാനോ കയ്യിൽ നയാപൈസയില്ല .

അപ്പോൾ അവർ കണ്ടെത്തുന്ന മാർഗങ്ങളാണ് മതം . മതത്തെ തൊടുമ്പോൾ പണം ചാക്കും കെട്ടിൽ കൊച്ചിയിലെത്തും . അതിപ്പോൾ കേരളത്തിൽ ഏതു മതമായാലും പണമൊഴുക്കാൻ മടിയില്ലാത്തവരാണ് .

ചില കൊച്ചിക്കാർക്ക് പകലു മുഴുവൻ മതത്തിന്റെ വക്താക്കളും രാത്രികാലങ്ങളിൽ കൊക്കയിനും വൈനും പെണ്ണും ഒക്കെത്തന്നെയാണ് അന്നും ഇന്നും എന്നും . മലബാറിലെ വേദനിക്കുന്ന കോടീശ്വരന്മാർ പണം കൊണ്ട് കൊടുത്തതിന് ശേഷം അവർ കാറിൽ കയറും മുൻപേ അവരെ കളിയാക്കൽ തുടങ്ങിയിരിക്കും . ഇതൊക്കെ പുതിയ നിർമ്മാതാക്കൾക്ക് അറിയണമെങ്കിൽ പഴയ നിർമ്മാതാക്കളെ തപ്പിയെടുത്ത് കുശലാന്വേഷണം നടത്തിയാൽ മതിയാകും .

 റൈറ്റ്സ് വില്പന തകൃതിയാകും ?

ഇപ്പോൾ ഈ സിനിമകൾക്കെതിരെ ഹിന്ദുമുന്നണി എന്ന് പറയുന്ന ഒരു വിഭാഗം പ്രശ്നമുണ്ടാക്കി തുടങ്ങി . പടം പ്രഖ്യാപിച്ച അന്ന് മുതലേ പരസ്യം കിട്ടിത്തുടങ്ങി . ഈ വിഭാഗക്കാരെ ഇളക്കിവിടുന്നവർ ആരാണാവോ ? ചിലപ്പോൾ ഈ പടം പിടിക്കുന്നവർ തന്നെ ആയിക്കൂടെന്നില്ലല്ലോ ? നെയ്യപ്പം തിന്നാൽ രണ്ടുണ്ട് കാര്യം എന്ന് കാരണവന്മാർ പറയുന്നതുപോലെ മതത്തെ തൊട്ടാൽ നിർമ്മാതാക്കൾ പണം ഒഴുക്കും . വാശി കൂട്ടും .

ഇപ്പോ തന്നെ ഈ പടത്തെ കുറിച്ചുള്ള വാർത്തകൾ കേരളം നിറഞ്ഞു കവിഞ്ഞു . അത്രേം വലിയൊരു പരസ്യം എല്ലാവ കിട്ടിക്കഴിഞ്ഞു . ഇനി റൈറ്റ്സ് വില്പ്പന തകൃതിയായി നടക്കും . പണം കൈയിൽ വന്നുതുടങ്ങും . എന്നിട്ടുവേണം അടുത്ത കളികൾ കളിക്കുവാൻ . ചരിത്രത്തെ തൊടുന്ന പടമായതുകൊണ്ട് നിർമ്മാതാവിനെ പടമാക്കുവാൻ വലിയ പണിയൊന്നുമില്ല .

ചരിത്ര സിനിമയില്‍ കൈപൊള്ളിയവര്‍

1921 സിനിമ നിർമ്മിച്ച മണ്ണിൽ മുഹമ്മദും ഐവി ശശിയും തമ്മിൽ കയ്യേറ്റം വരെ നടന്നു എന്നാണറിവ് . അന്നത്തെ ഒരു കോടിയായിരുന്നു ബഡ്ജറ്റ് എങ്കിലും അതിലൊന്നും പടം നിൽക്കാതെ വന്നപ്പോൾ കശപിശ തുടങ്ങിയിരുന്നു . ശശിയും കൂട്ടരും തന്നെ പറ്റിച്ചുവെന്നും മണ്ണിൽ മുഹമ്മദ് വെളിപ്പെടുത്തിയിരുന്നു . ശശിയുടെ അവസാനകാലത്തെ കാര്യങ്ങൾ ഓർക്കുമ്പോൾ അതിന്റെയൊക്കെ ശിക്ഷകൾ കിട്ടിയതാകാം എന്നും വിമര്‍ശിച്ചവരുണ്ട് .

കേരളത്തിൽ ചരിത്ര സിനിമയെടുത്തവരുടെ മൊത്തം കൈപൊള്ളിയ ചരിത്രമേ പറയുവാനുള്ളൂ . അതിപ്പോൾ കുഞ്ഞാലി മരക്കാരായാലും പഴശ്ശി രാജയായാലും കടത്തനാടൻ അമ്പാടിയായാലും അതിന്റെയൊക്കെ നിർമാതാക്കളും സംവിധായകരും തമ്മിൽ കണ്ടാൽ മിണ്ടാത്ത അവസ്ഥകളിലേക്ക് ആണ് കാര്യങ്ങൾ നീങ്ങുവാൻ പോകുന്നതും .

സിനിമയിലെ ആന മണ്ടത്തരങ്ങള്‍ 

ഒന്നാമതായി ബാഹുബലി പോലെയോ ഹിന്ദിസിനിമകൾ പോലെയോ തമിഴ് സിനിമകൾ പോലെയോ റിലീസിംഗ് സെന്ററുകൾ കുറവായതുകൊണ്ടും കൂടുതൽ ആളുകൾ തിയറ്ററുകളിൽ സിനിമ കാണാത്തതുകൊണ്ടും മുടക്കു മുതൽ തിരിച്ചു കിട്ടാറില്ല . രണ്ടാമൂഴത്തിലെ ഭീമനെ അവതരിപ്പിക്കുവാൻ ശ്രമിച്ചവരൊക്കെ ഹോം ക്വറന്റൈനിൽ ആയ സ്ഥിതിക്ക് ഇത് മലയാളിക്ക് പറഞ്ഞ പണിയല്ല എന്ന് തെളിയിച്ചുകൊണ്ടിരിക്കുന്നു .

ചില സംവിധായകർ ചില ദുരുദ്ദേശങ്ങളോടുകൂടി സമൂഹത്തിന്റെയും മതത്തിന്റെയും ഒക്കെ മാലാഖാമാരാകുവാൻ ശ്രമിക്കുമ്പോൾ അവരുടെ ഉദ്ദേശലക്ഷ്യങ്ങൾ മനസ്സിലാക്കാതെ മതത്തിനോട് കലശലായ സ്നേഹമുള്ളവർ ഒരു സിനിമ പിടിച്ചെങ്കിലും തങ്ങൾ സ്നേഹിക്കുന്ന മതത്തെ സഹായിക്കാം ഉയർത്താം എന്നൊക്കെ കരുതുന്നത് ആന മണ്ടത്തരമാണ് .

അനാഥക്കുട്ടിയുടെ മുന്നിലിരുന്ന് സ്വന്തം കുട്ടിയെ താലോലിക്കരുത് !

നിങ്ങളുടെ കയ്യിൽ അത്രത്തോളം പണമുണ്ടെങ്കിൽ നിങ്ങളുടെ പ്രവാചകന്റെ മഹത് വചനങ്ങൾ ( അനാഥക്കുട്ടിയുടെ മുന്നിലിരുന്ന് സ്വന്തം കുട്ടിയെ താലോലിക്കരുത് ) മാത്രം ജനങ്ങളിൽ എത്തിച്ചാൽ ലോകത്ത് ഏറ്റവും കൂടുതൽ ആളുകൾ സ്നേഹിക്കുന്ന മതമായി ആ മതത്തെ മാറ്റിയെടുക്കാം .

ഇന്ന് അനുഭവിക്കുന്ന പീഡനങ്ങളും തിക്താനുഭവങ്ങളും അനാവശ്യ നിയമങ്ങളെക്കൊണ്ടുള്ള മനഃസമാധാന കുറവുമൊക്കെ പ്രവാചക വചനങ്ങളിലൂടെ മാത്രം മാറ്റിയെടുക്കാം . അത്രക്കും സൂക്ഷ്മമായി കാര്യങ്ങൾ ചെയ്യുകയും പറയുകയും ചെയ്ത ആളാണ് നിങ്ങളുടെ പ്രവാചകൻ . ജനങ്ങളിൽ ഭിന്നിപ്പുണ്ടാക്കാവുന്ന സിനിമകളിൽ നിന്നോ മറ്റു കലാപരിപാടികളിൽ നിന്നോ തത്കാലം മാറിനിൽക്കണമെന്ന് അഭ്യർത്ഥിക്കുന്നു !!!

ശത്രുക്കൾ തക്കം പാർത്തിരിക്കുകയാണ് , ഇന്നിപ്പോൾ ശത്രുവാര് മിത്രമാര് എന്നറിയുവാൻ സാധിക്കാത്ത ഈ കലിയുഗത്തിൽ ദയവുചെയ്ത്

സമൂഹത്തിന് ദോഷമായി ഭവിക്കുന്ന സംഭവങ്ങൾക്ക് കൂട്ട് നിൽക്കരുത് .

പ്രളയവും ഉരുൾപൊട്ടലുകളും സ്വന്തം നാട് വിടേണ്ടിവരുമെന്ന ഭീതിയിലും ഒരു വലിയ സാമ്പത്തിക മാന്ദ്യവും ലോകഃഡൗണുകളും പ്രവാസി തിരിച്ചുവരവുകളും നട്ടെല്ലൊടിച്ചുകൊണ്ടിരിക്കുന്ന കൊച്ചുകേരളത്തിൽ ഇനി വേണ്ടത് സമാധാനമാണ് . അതിനെ തകർക്കുവാൻ ആരെയും അനുവദിച്ചുകൂടാ , അത് സിനിമക്കാരായാലും രാഷ്ട്രീയക്കാരായാലും കച്ചവടക്കാരായാലും !!!

കൊച്ചിയിലെ സിനിമാക്കാരുടെ നിഗൂഢ ലക്ഷ്യങ്ങളിൽ നിങ്ങളും അകപ്പെടരുത് , സൂക്ഷിച്ചാൽ ദുഖിക്കേണ്ട !!!

പണ്ടിതുപോലെ സിനിമ പിടിക്കുവാനൊരുങ്ങി ട്രൗസർ കീറിയ പ്രൊഡ്യൂസർ ദാസനും

ഒരു സിനിമ ഞാനും പിടിച്ചുനോക്കട്ടെ എന്ന് ആശിച്ചുകൊണ്ട് വിജയനും