അഡ്വ. ചാര്‍ളി പോള്‍

സെപ്റ്റംബർ 5 അധ്യാപക ദിനം; സമൂഹത്തിനുള്ള ഈശ്വരന്റെ വരദാനമാണ് അധ്യാപകൻ. ഹൃദയം ഹൃദയത്തോട് സംവദിക്കുന്ന സ്നേഹത്തിൻറെ മന്ത്രസ്വരം അധ്യാപകരിൽ നിന്ന് വിദ്യാർത്ഥിക്ക് ലഭിക്കണം. ഓരോ അധ്യാപകനും ഓരോ നിർമ്മാണ ശിലയാകണം - അഡ്വ. ചാര്‍ളി പോള്‍ എഴുതുന്നു

അധ്യാപനം സ്നേഹത്തിന്റെയും പ്രേരണയുടെയും കലയാണ്. നനഞ്ഞ സിമന്റിന് സമാനമാണ് കുട്ടികളുടെ മനസ്സ്. അവിടെ പതിയുന്ന മുദ്രകൾ കാലങ്ങളോളം നിലനിൽക്കും. അതിനാൽ ഏറ്റവും കരുതലോടെ നിർവഹിക്കപ്പെടേണ്ടതാണ് അധ്യാപനം.