ന്യൂസ് ബ്യൂറോ, ആലപ്പുഴ

കായംകുളത്തെ വിഭാഗീയത പരിഹരിക്കാൻ സിപിഎം നേതൃത്വം ഇടപെടുന്നു. ഇടഞ്ഞു നിൽക്കുന്ന നേതാക്കളെ അനുനയിപ്പിക്കും. അനുനയ ശ്രമങ്ങൾക്ക് നേതാക്കൾക്ക് ചുമതല. തീരുമാനം മന്ത്രി സജി ചെറിയാൻെറ സാന്നിധ്യത്തിൽ നടന്ന യോഗത്തിൽ. പാർട്ടിയെ വിവാദത്തിലാക്കിയ കത്ത് ചോർച്ചയിൽ തിരഞ്ഞെടുപ്പിന് ശേഷം നടപടി ഉണ്ടായേക്കും പ്രതികരിച്ച് വിവാദം മൂർച്ഛിപ്പിക്കേണ്ടെന്ന് നേതാക്കൾക്ക് നിർദ്ദേശം

ജില്ലയിലെ സി.പി.എമ്മിലെ വിഭാഗീയ ചേരി തിരിവിൽ സജി ചെറിയാനൊപ്പം നിൽക്കുന്ന നേതാവായ ജില്ലാ സെക്രട്ടേറിയേറ്റംഗം കെ.എച്ച്. ബാബുജാനെതിരെയാണ് ആരോപണം എന്നതിനാലാണ് അദ്ദേഹം തന്നെ പ്രശ്ന പരിഹാരത്തിന് മുന്നിട്ടിറങ്ങിയിരിക്കുന്നത്.ഏരിയാ കമ്മിറ്റി അംഗത്വം ഉൾപ്പെടെ പാർട്ടിയുടെ തിരഞ്ഞെടുക്കപ്പെട്ട എല്ലാ സ്ഥാനങ്ങളിൽ നിന്നും രാജിവെച്ച വനിതാ നേതാവ് കെ.എൽ.പ്രസന്ന കുമാരിയെ അനുനയിപ്പിച്ച് ഒപ്പം നിർത്താനാണ് തീരുമാനം.