കന്നാസും കടലാസും

സാധാരണ ശനിയും ഞായറും കരമയിലേക്ക് വണ്ടിയുമായി കയറണമെങ്കിൽ ഒന്നൊന്നര മണിക്കൂർ എങ്കിലും എടുക്കാറുണ്ട്. റമദാൻ ഫെസ്റ്റിവൽ വന്നതിൽ പിന്നെ വണ്ടിയുമായി കയറുന്നത് തന്നെ ചിന്തിക്കാവുന്നതിൽ അപ്പുറമാണ്. രാത്രി ഏറെ വൈകിയുള്ള പാട്ടും ബഹളവും കുറെയധികം പേരിൽ അസ്വസ്ഥതയുളവാക്കുന്നുണ്ട്. നടക്കട്ടെ വൈബുകൾ !

2015 ജനുവരിയിൽ നമ്മുടെ അൽ ഖൂസിൽ അരങ്ങേറിയ ലാറ്റിൻ ആർട്ട് ഫെസ്റ്റ് ആസ്വദിച്ച ഒരു വ്യക്തിയുടെ മനസ്സിൽ ഉൾക്കൊണ്ട ആശയം, ഇന്നിപ്പോൾ സോഷ്യൽ മീഡിയയുടെ സഹായത്താൽ മലയാളികളുടെ മനസ്സുകളിൽ കയറിപ്പറ്റിയിരിക്കുന്നു !