തിരുവനന്തപുരം

നിയമസഭാ തിരഞ്ഞെടുപ്പിന് മുൻപ് വയനാട് ടൗൺഷിപ്പ് പൂർത്തിയാക്കി വോട്ടുനേടാൻ സർക്കാർ. ഒരു വർഷം ഇഴച്ച പദ്ധതിയിൽ ഇപ്പോൾ ഊരാളുങ്കൽ പണി നടത്തുന്നത് യുദ്ധകാലാടിസ്ഥാനത്തിൽ. മുൻകൂറായി നൽകിയത് 60 കോടിയോളം. ഉദ്ഘാടനം ജനുവരിയിൽ നടത്താൻ ശ്രമം. 10 വീടുകളുടെ കോൺക്രീറ്റും 100 വീടുകളുടെ തറയും നി‌ർമ്മിച്ചു. കോവിഡ് പോലെ ഉരുൾദുരന്തവും വോട്ടാക്കി മാറ്റാനുള്ള പിണറായി സർക്കാരിന്റെ കൗശലം ഇങ്ങനെ

പുനരധിവാസത്തിനായി ടൗൺഷിപ്പ് നിർമ്മിക്കുന്നതിനായി എൽസ്റ്റോൺ എസ്റ്റേറ്റിൽ നിന്ന് 64.4705 ഹെക്ടർ ഏറ്റെടുത്താണ് നിർമ്മാണം. മൂന്ന് ഘട്ടങ്ങളായി ജില്ലാ ദുരന്തനിവാരണ അതോറിട്ടി 402 ഗുണഭോക്താക്കളുടെ പുനരധിവാസ ലിസ്റ്റ് തയ്യാറാക്കി.