ലോക്സഭാ ഇലക്ഷന്‍ 2024

പാർലമെൻറിൽ ഏത് ഭാഷയിലും സംസാരിക്കാമെങ്കിലും ഹിന്ദിയിലും ഇംഗ്ലീഷിലും നന്നായി സംസാരിക്കാനുള്ള കഴിവ് ഏറെ പ്രധാനം; നന്നായി സംസാരിക്കാനും പ്രവർത്തിക്കാനും കഴിവുള്ള കുറച്ചു പേരെ ലോക്‌സഭയിൽ എത്തിക്കാൻ തന്ത്രപൂർവ്വം ഒരുമിച്ചു  ശ്രമിക്കും എന്ന് വിചാരിച്ചു; സ്ത്രീ പ്രാതിനിധ്യവും കുറവ്; കൂടുതല്‍ ചെറുപ്പക്കാരെ അയക്കുമെന്ന് പ്രതീക്ഷിച്ചെങ്കിലും അതിലും മാറ്റമില്ല-സ്ഥാനാര്‍ഥിപ്പട്ടികയെക്കുറിച്ച് മുരളി തുമ്മാരുകുടി പറയുന്നു

ഇടതുപക്ഷത്തിന് ഈ തവണ കാര്യങ്ങൾ അല്പം എളുപ്പമാണ്. കഴിഞ്ഞ തവണ ഒരു സീറ്റ് ഉണ്ടായിരുന്നത് രണ്ടായാൽ പോലും നൂറു ശതമാനം പുരോഗതിയാണ് !. രാഷ്ട്രീയ സാഹചര്യവും സ്ഥാനാർത്ഥികളേയും നോക്കുമ്പോൾ പുരോഗതി നൂറു ശതമാനത്തിനും അപ്പുറത്ത് പോകും എന്ന് തന്നെയാണ് ഞാൻ കരുതുന്നത്.