'ഇത് ദേശീയ സുരക്ഷയുടെ കാര്യമാണ്, തെരുവ് ചര്‍ച്ചയ്ക്കുള്ളതല്ല'. രാജ്യത്തിന്റെ സുരക്ഷയും പരമാധികാരവുമായി ബന്ധപ്പെട്ട ഒരു റിപ്പോർട്ടും വെളിപ്പെടുത്തില്ല. പെഗാസസ് അന്വേഷണ റിപ്പോര്‍ട്ട് പരസ്യമാക്കില്ലെന്ന് സുപ്രീംകോടതി

ഡല്‍ഹി: പെഗാസസ് ചാരവൃത്തി കേസില്‍ സുപ്രധാന തീരുമാനവുമായി സുപ്രീം കോടതി. സാങ്കേതിക പാനലിന്റെ റിപ്പോര്‍ട്ട് പരസ്യമാക്കണമെന്ന ആവശ്യം കോടതി നിരസിച്ചു. രാജ്യത്തിന്റെ സുരക്ഷയും പരമാധികാരവുമായി ബന്ധപ്പെട്ട ഒരു റിപ്പോര്‍ട്ടും വെളിപ്പെടുത്തില്ലെന്ന് കോടതി പറഞ്ഞു.

വ്യക്തിഗത ആശങ്കകള്‍ പരിഹരിക്കാമെങ്കിലും ഒരു സാങ്കേതിക പാനലിന്റെ റിപ്പോര്‍ട്ട് തെരുവുകളിലെ ചര്‍ച്ചയുടെ രേഖയാകാന്‍ കഴിയില്ല എന്നാണ് പെഗാസസ് തര്‍ക്കത്തില്‍ സുപ്രീം കോടതി ഇന്ന് പറഞ്ഞത്.

സാങ്കേതിക പാനലിന്റെ റിപ്പോര്‍ട്ട് എത്രത്തോളം വ്യക്തികള്‍ക്ക് പങ്കിടാന്‍ കഴിയുമെന്ന് പരിശോധിക്കേണ്ടതുണ്ടെന്നും സുപ്രീം കോടതി പറഞ്ഞു.

പെഗാസസ് സ്‌പൈവെയറിന്റെ അനധികൃത ഉപയോഗം അന്വേഷിക്കണമെന്ന ഹര്‍ജികള്‍ ജൂലൈ 30 ന് സുപ്രീം കോടതിയില്‍ പരിഗണിക്കും.