ന്യൂസ് ബ്യൂറോ, പാലാ

പാലാ കിഴതടിയൂര്‍ ബാങ്കില്‍ സ്ഥലം എംഎല്‍എയുടെ സഹോദരനായ മുന്‍ പ്രസിഡന്‍റ്  നടത്തിയത് തീവെട്ടിക്കൊള്ള ? 37 വര്‍ഷം പ്രസിഡന്‍റായിരുന്ന ജോര്‍ജ് സി കാപ്പന്‍ 17 വര്‍ഷംകൊണ്ട് 5.50 കോടി വായ്പ എടുത്തിട്ട് നയാ പൈസ തിരിച്ചടച്ചില്ല. കാപ്പന്‍റെ വീടിന് നല്‍കിയ വാല്വേഷന്‍ കൊട്ടാരമറ്റം ബസ് സ്റ്റാന്‍റിനേക്കാളധികം. കാപ്പന്‍ കുടുംബത്തില്‍ നിന്നുമാത്രം കുടിശിഖയുള്ളത് 14 പേര്‍ക്ക്. പ്രസിഡന്‍റും കുടുംബക്കാരും സുഹൃത്തുക്കളും ചേര്‍ന്ന് അടിച്ചുമാറ്റിയത് ആകെ വായ്പയുടെ 40 % വും ?

കിഴതടിയൂര്‍ ബാങ്കിലെ പ്രമുഖ കുടിശിഖക്കാരിലൊരാളായ പാലാ എംഎല്‍എ മാണി സി കാപ്പന്‍റെ മൂത്ത സഹോദരനാണ് ബാങ്ക് പ്രസിഡന്‍റ് ജോര്‍ജ് സി കാപ്പന്‍. 37 വര്‍ഷം പ്രസിഡന്‍റായിരുന്ന ജോര്‍ജ് സി കാപ്പന് 17 വര്‍ഷം മുമ്പെടുത്ത വായ്പയില്‍ 5.5 കോടി രൂപയാണ് തിരിച്ചടയ്ക്കാനുള്ളത്. 17 വര്‍ഷംകൊണ്ട് പലിശ മുതലിനോട് ചേര്‍ത്ത് പുതുക്കി വച്ചതല്ലാതെ വായ്പയില്‍ നയാ പൈസ തിരിച്ചടച്ചിട്ടില്ല. സഹോദരന്‍ മാണി സി കാപ്പനും ഭാര്യക്കും മകനും കൂടി എടുത്ത വായ്പ 1.50 കോടി അടുത്ത്  കുടിശിഖയാണ്. അവരുടെ തിരിച്ചടവും സ്വാഹ.