ജോസ് ചാലക്കൽ

ശോഭാ സുരേന്ദ്രനെ പ്രചരണത്തിനിറക്കി പാളയത്തില്‍ പടയൊതുക്കി ബിജെപി. കോണ്‍ഗ്രസ് വിമതന്‍ ഇടതു യോഗത്തിലെത്തിയത് തലവേദനയായി കോണ്‍ഗ്രസ്. എന്‍.എന്‍ കൃഷ്ണദാസിന്‍റെ മാധ്യമങ്ങള്‍ക്കെതിരായ 'പട്ടി' ഷോ 'വരത്തന്‍' സ്ഥാനാര്‍ഥിക്കെതിരായ പടയൊരുക്കമാണോയെന്ന സംശയത്തില്‍ സിപിഎം. പാലക്കാട്ടെ ത്രികോണ മല്‍സരപ്പോരില്‍ പാളയത്തില്‍ പടയില്‍ വലഞ്ഞ് മുന്നണികള്‍

സീറ്റ് നിഷേധത്തെ തുടര്‍ന്ന് മാറി നില്‍ക്കുകയായിരുന്ന ശോഭാ സുരേന്ദ്രന്‍ പാലക്കാട് പ്രചരണത്തിനിറങ്ങിയതോടെ ബിജെപി ക്യാമ്പ് കൂടുതല്‍ ഉഷാറായി കളത്തിലിറങ്ങുമ്പോഴും സിപിഎമ്മിലും കോണ്‍ഗ്രസിലും പഴയ പടയൊരുക്കങ്ങളുടെ അലയടികള്‍ മാറിയിട്ടില്ല.