തിരുവനന്തപുരം

കേരളത്തിൽ കോളിളക്കമുണ്ടാക്കിയ കേസുകളിൽ പ്രതികളെ അഴിക്കുള്ളിലാക്കിയ മിടുമിടുക്കി. കേരളാ പോലീസിലെ വനിതാ ഷെർലക് ഡി.ശിൽപ്പ ഇനി സിബിഐയിൽ. കഷായക്കൊലയിൽ ഗ്രീഷ്മയെയും കൂടത്തായിയിൽ ജോളിയെയും കാസർകോട്ട് മന്ത്രവാദിനിയെയും അഴിക്കുള്ളിലാക്കി. ഗ്രീഷ്മയ്ക്ക് വധശിക്ഷ കിട്ടാനുള്ള തെളിവുകൾ സമാഹരിച്ചത് ശിൽപ്പ. കോടതിയും അഭിനന്ദിച്ച ആ അന്വേഷണ മികവ് ഇനി സിബിഐയിൽ. നേരറിയാൻ ശിൽപ്പ ഇനി സിബിഐയ്ക്കൊപ്പം

കേരളത്തിൽ ഏറെ കോളിളക്കമുണ്ടാക്കിയ രണ്ട് കേസുകളുടെ അന്വേഷണമാണ് ശിൽപ്പയ്ക്ക് പേരും പ്രശസ്തിയുമുണ്ടാക്കിയത്. തിരുവനന്തപുരം റൂറൽ എസ്.പിയായിരിക്കെ, ഷാരോൺ രാജിനെ കാമുകി ഗ്രീഷ്മ കഷായം നൽകി കൊലപ്പെടുത്തിയ കേസ് തെളിയിച്ചത് ശിൽപ്പയായിരുന്നു.