മലപ്പുറം

രാഷ്ട്രീയ പരീക്ഷണങ്ങളുടെ പൊന്നാപുരം കോട്ടയായ പൊന്നാനിയിൽ ജയിച്ചു കയറാൻ സമദാനി. ലീഗിൽ നിന്ന് അടർത്തിയ വിമതനെ സ്ഥാനാർത്ഥിയാക്കി ലീഗ് വോട്ടു പിടിക്കാൻ എൽഡിഎഫ്. മുന്നോക്ക വോട്ടുകളിലൂടെ വോട്ടുവിഹിതം കൂട്ടാൻ ലക്ഷ്യമിട്ട് ബിജെപി. ലീഗിന് പാരയായി പാളയത്തിൽ പട. ഇടതിന് തലവേദനയായി നിഷ്പക്ഷ വോട്ടുകൾ. വ്യക്തിപ്രഭാവം വോട്ടാവുന്നതോടെ വൻ ഭൂരിപക്ഷം ലക്ഷ്യമിട്ട് സമദാനി

1977നു ശേഷം ഇടതിന് ഇവിടെ ജയിക്കാനേ കഴിഞ്ഞിട്ടില്ല. മുസ്ലീം ലീഗിന്റെ കോട്ടയായ പൊന്നാനിയിൽ നിന്ന് ഇബ്രാഹിം സുലൈമാൻ സേട്ട്, ജി.എം ബനാത്ത് വാല, ഇ.അഹമ്മദ് തുടങ്ങിയ വൻ നേതാക്കൾ ലോകസഭയിലെത്തിയിട്ടുണ്ട്. യു.ഡി.എഫ് സ്ഥാനാർഥി അബ്ദുസമദ് സമദാനിയും എൻ.ഡി.എ സ്ഥാനാർഥി നിവേദിത സുബ്രഹ്മണ്യനും  ഇടതുസ്ഥാനാർഥി കെ.എസ്. ഹംസയുമെല്ലാം പ്രചാരണം കൊഴുപ്പിക്കുകയാണ്.