തിരുവനന്തപുരം

പൊതുസ്ഥലങ്ങളിൽ ബോർഡുകളും ബാനറുകളും വിലക്കിയ ഹൈക്കോടതി ഉത്തരവ് മറികടക്കാൻ നിയമനിർമ്മാണത്തിന് സർക്കാർ. അനുവദനീയമായ സാധനങ്ങൾ ഉപയോഗിച്ചു പരസ്യ ബോർഡുകൾ സ്ഥാപിക്കാം. ഫീസീടാക്കി റോഡിൽ പരസ്യ പ്രചാരണ യോഗങ്ങൾ നടത്താം. ജനങ്ങൾക്ക് ഭീഷണിയാവാതെ നടപ്പാക്കുമെന്ന് നിയമസഭയിൽ സർക്കാർ. ഹൈക്കോടതിയുടെ കൈയടി നേടിയ നടപടികളുടെ മുനയൊടിക്കും. നിയമഭേദഗതി തദ്ദേശ, നിയമസഭാ തിരഞ്ഞെടുപ്പുകൾ മുന്നിൽകണ്ട്

പൊതുസ്ഥലങ്ങളിൽ തദ്ദേശ സ്ഥാപനങ്ങളുടെ ഉടമസ്ഥതയിൽ വരുന്ന സ്ഥലങ്ങളിൽ അനുവദനീയമായ സാധനങ്ങൾ ഉപയോഗിച്ചു പരസ്യ ബോർഡുകൾ സ്ഥാപിക്കാമെന്നും മിതമായ നിരക്കിൽ ഫീസ് ഈടാക്കി ജനങ്ങൾക്ക് ബുദ്ധിമുട്ടില്ലാതെ പ്രചാരണ പ്രവർത്തനങ്ങൾ നടത്താമെന്നും മന്ത്രി രാജേഷ് വ്യക്തമാക്കി.