Editorial

ഈ മഹാ വിപത്തിനെതിരെ ലോകം തന്നെ പോരാട്ടത്തിലാണ്. ലോകത്തിന്റെ നിശ്ചിത മേഖലകൾ അടച്ചുപൂട്ടി കഴിഞ്ഞു. മാതാപിതാക്കളുടെ മരണവാർത്തയറിഞ്ഞ് നാട്ടിലെത്തുന്ന പ്രവാസികൾക്ക് ജന്മം നൽകിയ പിതാവിനെ അവസാനമായി കാണാൻ പോലും അവസരമില്ല. അത് ജനം പൊറുക്കുന്നു, പക്ഷേ ഈ നിതാന്തജാഗ്രതകൾക്കിടയിലും മദ്യ വില്പന കേന്ദ്രങ്ങളും ബാറുകളും തുറന്നു തന്നെയിരിക്കുമെന്ന സർക്കാരിന്റെ വാശിക്ക് കേരള ജനത മാപ്പുനൽകണോ? ഒരു മീറ്റർ അകലത്തിലല്ല, ഒരു മീറ്ററിൽ നാലും അഞ്ചും പേരാണ് പരിസരത്ത് കാർക്കിച്ചു തുപ്പിയും മുറുക്കിത്തുപ്പിയും തോളിൽ പിടിച്ചു തള്ളിയും നിരനിരയായി ക്യൂവിൽ നിൽക്കുന്നത്. ഇത് നിരോധിക്കാതെ എന്ത് ജാഗ്രതയാണ് ? എന്ത് പ്രതിരോധമാണ് നിങ്ങൾ തീർക്കുന്നത് മുഖ്യമന്ത്രി.. 'ടീച്ചറമ്മേ' ? മറുപടിയുണ്ടോ നിങ്ങൾക്ക് ?

ബി ജെ പി രാജ്യസഭയിലേക്കയച്ച ചീഫ് ജസ്റ്റിസ് രഞ്ജൻ ഗൊഗോയിയുടെ വിധി ന്യായങ്ങളെ എങ്ങനെയാണ് ജനം വിശ്വാസത്തിലെടുക്കുക ? കുറഞ്ഞപക്ഷം റാഫേൽ വിധിയെങ്കിലും പുനഃപരിശോധനയ്ക്ക് വിധേയമാക്കണം ! ഈ കീഴ് വഴക്കം ഇനി ആവർത്തിക്കരുത് !

ഇറ്റലിയിൽ നിന്നെത്തിയ റാന്നിക്കാർ വിമാനത്താവളത്തിൽ നിന്നും പുറത്തെത്തിയതിൽ ആദ്യ പിഴവ് സർക്കാരിന് തന്നെ ! പിന്നത്തെ കുറ്റക്കാർ റാന്നി കുടുംബവും ! റാന്നിക്കാരുടെ റൂട്ട് മാപ്പിലില്ലാത്ത കണ്ണൂരിൽ കൊറോണ എത്തിയതെങ്ങനെ ? പിഴവുകൾ ഉള്ളത് തന്നെ ! മഹാദുരന്തങ്ങൾ വരുമ്പോഴല്ല രാഷ്ട്രീയവും പ്രമോഷനും ഒന്നും നടത്തേണ്ടത് ! എങ്കിലും ടീച്ചറമ്മയല്ല, ഡോക്ടർ ബ്രോകൾ ആണ് താരങ്ങൾ !

മാധ്യമ വിലക്കിനെ അപലപിച്ച് കോം അംഗീകൃത ഓണ്‍ലൈന്‍ മാധ്യമങ്ങളില്‍ സംയുക്ത എഡിറ്റോറിയല്‍. മാധ്യമ സ്വാതന്ത്ര്യത്തിനുള്ള വിലക്ക് ജനങ്ങളുടെ അഭിപ്രായ സ്വാതന്ത്ര്യത്തിനു മേൽ മുറുകുന്ന ചങ്ങല - മുതിര്‍ന്ന മാധ്യമപ്രവര്‍ത്തകനും കോം ഇന്ത്യ രക്ഷാധികാരിയുമായ ആർ ഗോപീകൃഷ്ണൻ എഴുതുന്നു ..

ആദായനികുതിയിലെ ഇളവുകൾ കൊള്ളാം, പക്ഷേ അത് 6 വർഷം മുമ്പ് മോഡി പറഞ്ഞത്രയും പോലും ആയിട്ടില്ല. കടംവാങ്ങി നികുതിയടയ്ക്കാൻ ജനത്തെ നിർബന്ധിക്കരുത് ! പകരം നീക്കിയിരിപ്പിൽ നിന്നും നികുതി അടയ്ക്കാൻ ജനത്തിന് കഴിയണം. വരുമാനത്തേക്കാൾ പതിന്മടങ്ങായി ചിലവ് വർധിക്കുന്നത് സർക്കാർ കാണാതെ പോകരുത് ! നിർമ്മലാ സീതാരാമനറിയാൻ ..

അയോധ്യ ഇതുവരെ വിശ്വാസവും വികാരവും ആയിരുന്നെങ്കില്‍ ഇന്ന് മുതല്‍ അത് 'നിയമത്തിനു' കീഴിലാണ്. ഇതല്ലാതെ നമുക്ക് മുന്‍പില്‍ മറ്റ് മാര്‍ഗങ്ങളില്ല. അംഗീകരിക്കുക പൌരധര്‍മ്മം !

ലോകകേരള സഭയെന്ന മേളാങ്കമല്ല മടങ്ങിയെത്തുന്ന പ്രവാസികള്‍ക്ക് പുനരധിവാസ പായ്ക്കേജാണ് ആവശ്യം. അവിടെകാണുന്നപ്രവാസലോകത്തെ ഫ്രാഞ്ചിയേട്ടന്മാരും ഡാന്‍സ് ബാറുകളില്‍ വിഹരിക്കുന്നവരുമൊന്നുമല്ല യഥാര്‍ത്ഥ പ്രവാസികള്‍. ആയുസിന്റെ നല്ലകാലം മുഴുവന്‍ പ്രവാസി നാടുകളില്‍ കഷ്ടപ്പെട്ടുണ്ടാക്കിയ സമ്പാദ്യവുമായി നാട്ടിലെത്തുന്ന പ്രവാസികള്‍ക്ക് ഗ്രീന്‍ചാനല്‍ സംവിധാനമാണാവശ്യം. കൊതിച്ചുവന്നിട്ടും ജനിച്ച നാട്ടില്‍ പ്രവാസിക്ക് ആത്മഹത്യ ചെയ്യേണ്ടിവരുന്നത് കേരളത്തിന്‍റെ ശാപം !

54 വര്‍ഷത്തെ ചരിത്ര നേട്ടങ്ങളേക്കാള്‍ വലുതാണ്‌ ഇക്കാലയളവുകളില്‍ അന്തസില്ലാത്ത ഒരു വാക്കോ പ്രവര്‍ത്തിയോ ഉണ്ടായില്ലെന്നതും ! മാണി ഒരു നേതാവ് മാത്രമായിരുന്നില്ല, രാഷ്ട്രീയത്തിലെ ഒരു സംസ്കാരം കൂടിയായിരുന്നു. അനുഭവങ്ങളുടെ തമ്പുരാന്‍ !

ഏഴ് വയസുകാരന്റെ മരണം അവിഹിത ബന്ധങ്ങളുടെ ദുരന്ത പൂര്‍ണ്ണമായ പരിസമാപ്തി ? കൊലയാളി എന്നറിഞ്ഞിട്ടും മക്കളെയും കൂട്ടി അരുണിനൊപ്പം പോയ യുവതിയ്ക്കും കുട്ടിയുടെ കൊലപാതകത്തില്‍ മനപൂര്‍വ്വമല്ലാത്ത പങ്കുണ്ടോ എന്നന്വേഷിക്കണം