Recommended

വിജിലൻസ് ഡയറക്ടർ യോഗേഷ് ഗുപ്തയ്ക്ക് ഡിജിപി പദവി നൽകിയത് കർശന വ്യവസ്ഥകളോടെ. ഏറ്റവും സീനിയറായ നിഥിൻ അഗർവാൾ തിരിച്ചെത്തുമ്പോൾ യോഗേഷിന് ഡിജിപി റാങ്ക് നഷ്ടമാവും. തിരികെ കിട്ടുക ജനുവരിയിൽ സഞ്ജീവ് പട്ജോഷി വിരമിക്കുമ്പോൾ. നിഥിൻ തിരിച്ചെത്തുമ്പോൾ തന്റെ ഡിജിപി റാങ്ക് തിരിച്ചെടുത്താലും കുഴപ്പമില്ലെന്ന് മുഖ്യമന്ത്രിയെ അറിയിച്ച് യോഗേഷ്. കേരളാ പോലീസിലെ പുതിയ ഡിജിപി റാങ്കിന്റെ ‌കഥ

205400- 224400 ശമ്പള സ്കെയിലോടെയാണ് യോഗേഷിനെ ഡിജിപിയായി സ്ഥാനക്കയറ്റം നൽകിയത്. 1993 ബാച്ചുകാരനായ യോഗേഷിന് 2030 ഏപ്രിൽ വരെ സർവീസുണ്ട്. മുംബയ് സ്വദേശിയാണ്. വിജിലൻസ് മേധാവിയായിരുന്ന ടി.കെ.വിനോദ് കുമാർ സ്വയം വിരമിച്ച ഒഴിവിലാണ് സ്ഥാനക്കയറ്റം.